ಸೂರು ಕಳೆದುಕೊಂಡವರಿಗೆ ತಲಾ ರು.10 ಸಾವಿರ ಪರಿಹಾರ
ಒಂದು ವಾರದಿಂದ ಸುರಿಯುತ್ತಿರುವ ನಿರಂತರ ಮಳೆಯಿಂದ ತಾಲೂಕಿನಲ್ಲಿ 185 ಮನೆ ಕುಸಿದಿದ್ದು, ಸಂತ್ರಸ್ತರ ಖಾತೆಗೆ ಆರ್ಟಿಜಿಎಸ್ ಮೂಲಕ ತಲಾ 10 ಸಾವಿರ ರೂ. ಜಮೆ ಮಾಡಲಾಗಿದೆ. ಇದೀಗ ಬೆಳೆ ಹಾನಿ ಕುರಿತು ಕೃಷಿ ಹಾಗೂ ಕಂದಾಯ ಇಲಾಖೆಯಿಂದ ಜಂಟಿ ಸವೇ ನಡೆದಿದ್ದು, ಪ್ರತಿ ರೈತ ಸಂಪರ್ಕದಡಿ ವಲಯವಾರು ಪ್ರತ್ಯೇಕ ವರದಿ ತಯಾರಿಸಿ ಸಲ್ಲಿಸಲು ಸೂಚನೆ ನೀಡಲಾಗಿದೆ ಎಂದು ತಹಸೀಲ್ದಾರ್ ಅಂಜುಮ್ ತಬಸ್ಸುಮ್ ತಿಳಿಸಿದರು. ಇನ್ನು ಸೋಮವಾರ, ಮಂಗಳವಾರದ ಮಳೆಯಿಂದಾಗಿ ಮಿರಿಯಾಣದ ಮೋನಚಾರಿ ಅವರ ಮನೆ ಬಿದ್ದಿದ್ದು, ಗ್ರೇಡ್-2 ತಹಸೀಲ್ದಾರ್ ವೆಂಕಟೇಶ ದುಗ್ಗನ್ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ರವಿಕುಮಾರ ಚಿಟ್ಟಾ, ಪಿಡಿಒ ಗುರುನಾಥ ರಾಠೋಡ್, ಶಿವಾಜಿ ರಾಠೋಡ್, ಗ್ರಾಪಂ ಸದಸ್ಯ ಪಾಂಡು ಗೊಲ್ಲ ಇತರರಿದ್ದರು.
