ಹಿಂದೆ ಅನೇಕ ಬಾರಿ ಸಂಘ, ಸಂಸ್ಥೆ ಗಳಿಂದ ಗ್ಯಾಸ್ ಎಜೆನ್ಸಿಗೆ ಮನವಿ ಮಾಡಿ ಸಿಲೆಂಡರ್ ಸಾಗಾಣಿಕೆ ವೆಚ್ಚ ಕಡಿಮೆ ಮಾಡುವಂತೆ ಕೋರಿದ್ದೆವು. ಕುಮಟಾದಿಂದ ಅಘನಾಶಿನಿಗೆ 14 ಕಿಮೀ ದೂರ. ಆದರೆ, ಗ್ಯಾಸ್ ಎಜೆನ್ಸಿ ಪ್ರಕಾರ 58 ಕಿಮೀ ಎಂದು ಹೇಳುತ್ತಾರೆ. ನಿಯಮದಂತೆ ಅನಿಲ ದಾಸ್ತಾನು ಪ್ರದೇಶದಿಂದ 5 ಕಿಮೀ ವ್ಯಾಪ್ತಿಯಲ್ಲಿ ಉಚಿತವಾಗಿ ಹಾಗೂ ಹೆಚ್ಚಿನ ಪ್ರತಿ ಕಿಮೀ 1.60 ರೂ. ಆಕರಣೆಗೆ ಮಾತ್ರ ಅವಕಾಶವಿದೆ. ಪ್ರತಿ ಸಿಲೆಂಡರ್ಗೆ ಈಗ 611.50 ಅನಿಲ ವೆಚ್ಚ ಪಡೆಯುತ್ತಿದ್ದು, ಅಘನಾಶಿನಿಗೆ ಸಾಗಣೆ ವೆಚ್ಚ ಎಂದು 100 ರೂ. ಕಾಗಾಲಿಗೆ 80 ರೂ. ಹಾಗೂ ಬಾಡಕ್ಕೆ 60 ರೂ., ಕುಮಟಾ ಪಟ್ಟಣದಲ್ಲೇ 40 ರಿಂದ 50 ರೂ.ವರೆಗೂ ಗ್ರಾಹಕರಿಂದ ಪಡೆಯುತ್ತಾರೆ. ಉಚಿತವಾಗಿ ಸಿಲೆಂಡರ್ ಪೂರೈಕೆ ಮಾಡಬೇಕಾದಲ್ಲೂ ಶುಲ್ಕ ಪಡೆಯುತ್ತಾರೆ. ಇದಕ್ಕೆ ಯಾವುದೇ ರಸೀದಿಯನ್ನು ನೀಡುತ್ತಿಲ್ಲ ಎಂದು ಆರೋಪಿಸಿದರು.
