ನಿತ್ಯ ಸ್ಮರಿಸುವಂತಹ ಕಾರ್ಯ

ಸಿರಿಗೇರಿ: ಕೆರೆ, ಕೊಳ್ಳಗಳಲ್ಲಿ ನೀರು ತುಂಬಿಸಿದ ಪವಾಡ ಪುರುಷ ಶ್ರೀ ಸಿದ್ಧರಾಮೇಶ್ವರ ಅವರನ್ನು ಸದಾ ಸ್ಮರಿಸಬೇಕಿದೆ ಎಂದು ಭೋವಿ ಸಮುದಾಯದ ಮುಖಂಡ ವಿ.ಹನುಮೇಶ್ ತಿಳಿಸಿದರು.

ಗ್ರಾಮ ಪಂಚಾಯಿತಿ ಸಮುದಾಯ ಭವನದಲ್ಲಿ ಶ್ರೀ ಸಿದ್ಧರಾಮೇಶ್ವರ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಸಿದ್ಧರಾಮೇಶ್ವರ ಅವರ ವಚನಗಳಲ್ಲಿ ಜೀವನದ ಸ್ವಾರಸ್ಯ ತಿಳಿದುಕೊಳ್ಳಬಹುದು ಎಂದರು. ಭೋವಿ ಸಮುದಾಯದ ಆರಾಧ್ಯ ದೇವತೆ ಹುಲಿಗೆಮ್ಮ ದೇವಿ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಸಲ್ಲಿಸಲಾಯಿತು. ಸಿದ್ಧರಾಮೇಶ್ವರ ಭೋವಿ ವಡ್ಡರ ಸಂಘದ ನಾಮಫಲಕವನ್ನ ಜಿಪಂ ಮಾಜಿ ಸದಸ್ಯ ಕೆ.ಭೀಮಲಿಂಗಪ್ಪ ಉದ್ಘಾಟಿಸಿದರು.