ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ ನೀಡಸೊಸಿ ಶ್ರೀ ದುರದುಂಡೇಶ್ವರ ಸಿದ್ದಸಂಸ್ಥಾನದ ಮಠದ ಜಗದ್ಗುರ ಡಾ.ಪಂಚಮ ಶಿವಲಿಂಗೇಶ್ವರ ಸ್ವಾಮಿಗಳ ಉತರಾಧಿಕಾರಿಯಾಗಿ ನೇಮಕಗೊಂಡ ನಿಜಲಿಂಗೇಶ್ವರ ಸ್ವಾಮಿಜಿ, ಕಳೆದ 2023ರಲ್ಲಿ ಮಂಗಳೂರಿನ ರಾಮಕೃಷ್ಣ ಆಶ್ರಮ ತೊರೆದು, ನೂತನ ಉತ್ತರಾಧಿಕಾರಿಯಾಗಿ ದೀಕ್ಷೆ ಪಡೆದಿದ್ದರು. ಬಳಿಕ ಉತ್ತರಾಧಿಕಾರಿಯಾಗಿದ್ದ ನಿಜಲಿಂಗೇಶ್ವರ ಸ್ವಾಮೀಜಿ ಅವರಿಗೆ ಅಧಿಕಾರ ಹಂಚಿಕೆ ಹಾಗೂ ಪಟ್ಟಾಧಿಕಾರ ವಿಷಯವಾಗಿ ನಡೆದ ಮನಸ್ತಾಪದಿಂದಾಗಿ, ಕಳೆದ ಒಂದು ವರ್ಷದಿಂದ ಶ್ರೀ ಮಠದಲ್ಲಿ ವಿವಿಧ ಬೆಳೆವಣಿಗೆಗಳು ಸಂಭವಿಸಿದ್ದು, ಕಿರಿಯ ಶ್ರೀಗಳಾದ ನಿಜಲಿಂಗೇಶ್ವರ ಸ್ವಾಮಿಜಿ ಅಮರಣಾಂತ ಉಪವಾಸದ ಮೂಲಕ ಸತ್ಯಾಗ್ರಹ ಆರಂಭಿಸಿದ್ದು, ಇದರಿಂದ ಎಲ್ಲಡೆ ಗೊಂದಲದ ವಾತಾವರಣ ನಿರ್ಮಾಣವಾಗಿದೆ.
