ನಾಗರಕಟ್ಟೆ ಕಾರ್ತಿಕೋತ್ಸವ ಅದ್ದೂರಿ

ಚಿತ್ರದುರ್ಗ: ನಗರದ ಬುರುಜನಹಟ್ಟಿಯ ಅರಳಿ ಮರದ ನಾಗರಕಟ್ಟೆಯ ಕಾರ್ತಿಕೋತ್ಸವವೂ ಶುಕ್ರವಾರ ಅದ್ದೂರಿಯಾಗಿ ಜರುಗಿತು.

ಕಾರ್ತಿಕೋತ್ಸವದ ಅಂಗವಾಗಿ ಇಡೀ ಆವರಣ ತಳಿರು-ತೋರಣ, ವಿದ್ಯುದ್ದೀಪಾಲಂಕಾರದಿಂದ ಕಂಗೊಳಿಸಿತು. ನಾಗದೇವರ ಕಲ್ಲುಗಳಿಗೆ ವಿವಿಧ ಬಗೆಯ ಪುಷ್ಪಗಳಿಂದ ಅಲಂಕರಿಸಲಾಗಿತ್ತು. ಮಹಿಳೆಯರು ಬಿಡಿಸಿದ್ದ ವರ್ಣಮಯ ರಂಗೋಲಿಗಳು ಗಮನ ಸೆಳೆದವು.

ಮಂತ್ರ ಘೋಷಗಳೊಂದಿಗೆ ಅರ್ಚಕ ಕೃಷ್ಣಪ್ಪ ಪೂಜೆ ನೆರವೇರಿಸಿದರು. ನೆರೆದಿದ್ದ ನೂರಾರು ಭಕ್ತರಿಗೆ ಪ್ರಸಾದ ವಿತರಿಸಲಾಯಿತು.

ಕೆ.ಆರ್.ಕೃಷ್ಣಮೂರ್ತಿ, ರಾಜಣ್ಣ, ಟಿ.ಹನುಮಂತಪ್ಪ, ಶೇಖರ್, ಬಸಣ್ಣ, ನಿಂಗಪ್ಪ, ಬಸವರಾಜ್, ರಾಜಪ್ಪ, ಎಸ್.ಬಿ.ಗಣೇಶ್, ಬಾಗೋಡಪ್ಪ, ಕಮಲಮ್ಮ, ನಿರ್ಮಲಾ, ಲಲಿತಮ್ಮ, ತುಳಸಮ್ಮ, ಸುಜಾತಾ, ಗೌರಮ್ಮ, ತಿಪ್ಪಮ್ಮ, ಸುವರ್ಣಾ, ವೀಣಾ, ನಂದಿನಿ, ಗಿರಿಜಾ, ತಿಮ್ಮಕ್ಕ, ಮಮತಾ, ಜಯಲಕ್ಷ್ಮಿ, ಅನಸೂಯ, ಆದಿಲಕ್ಷ್ಮ್ಮಿ, ರೇಖಾ ಇತರರಿದ್ದರು.