ದನಗಳ ಜಾತ್ರೆ ಅಬ್ಬರ: ಪ್ರತಿವರ್ಷ ಡಿಸೆಂಬರ್ ಕೊನೇ ವಾರದಲ್ಲಿ ನಡೆಯುವ ದನಗಳ ಜಾತ್ರೆಗೆ ವಿಶೇಷತೆ ಇದೆ, ಲಕ್ಷಾಂತರ ರೂ.ವಹಿವಾಟು ನಡೆಯುವ ಜಾತ್ರೆಗೆ ನೆರೆ ಜಿಲ್ಲೆ, ಹೊರರಾಜ್ಯದ ದನಗಳೂ ಜಮಾಯಿಸುತ್ತವೆ. ದಶಕಗಳ ಇತಿಹಾಸ ಹೊಂದಿರುವ ಜಾತ್ರೆಯ ವಿಶೇಷತೆಯೆಂದರೆ ಈ ಭಾಗದ ರೈತರು ರಾಸುಗಳನ್ನು ಖರೀದಿಸುವುದಕ್ಕಿಂತ ಅವುಗಳ ಮಾರಾಟಕ್ಕೆ ಒತ್ತು ನೀಡುತ್ತಾರೆ. ಈ ಭಾಗದಲ್ಲಿ ನೀರಿನ ಸಮಸ್ಯೆಯಿಂದ ರಾಸುಗಳಿಗೆ ಮೇವು ಒದಗಿಸಲು ಸಾಧ್ಯವಾಗದ ಕಾರಣ ಮುಂಗಾರು ಬಳಿಕ ಮತ್ತೆ ರಾಸುಗಳನ್ನು ಖರೀದಿಸುವ ಚಿಂತನೆಯಿಂದ ದನಗಳ ಜಾತ್ರೆಯಲ್ಲಿ ರಾಸುಗಳನ್ನು ಮಾರಾಟ ಮಾಡುವುದು ಹಿಂದಿನಿಂದಲೂ ನಡೆದುಕೊಂಡು ಬಂದಿದೆ ಎನ್ನುವುದು ಸ್ಥಳೀಯರ ಅಭಿಪ್ರಾಯವಾಗಿದೆ.
