ಬಿಆರ್ಟಿಎಸ್ ಬಸ್ಗಳ ಸಂಚಾರಕ್ಕೆ ನವಲೂರ ಬಳಿ ಒಂದು ಬದಿ ಮೇಲ್ಸೇತುವೆ ನಿರ್ವಣವಾಗಿದೆ. ಖಾಸಗಿ ವಾಹನಗಳೂ ಅದರಲ್ಲಿ ಸಂಚರಿಸುತ್ತಿವೆ. ಮತ್ತೊಂದು ಬದಿಯಲ್ಲಿ ಮೇಲ್ಸೇತುವೆ ನಿರ್ವಣವಾಗುತ್ತಿದ್ದು, ಹಲವು ಕಾರಣಗಳಿಂದ ಕಾಮಗಾರಿ ಸ್ಥಗಿತಗೊಂಡಿದೆ. ಅರೆಬರೆ ಕಾಮಗಾರಿ ನಡೆದಿದ್ದು, ಬಳಕೆ ಇಲ್ಲದ ಮೇಲ್ಸೇತುವೆಯ ಅಡಿಯ ಪಿಲ್ಲರ್ನಲ್ಲಿ ಬಿರುಕು ಕಾಣಿಸಿಕೊಂಡಿದೆ. ಅದರ ಬುಡದಲ್ಲಿ ಅಳವಡಿಸಿರುವ ಪ್ಯಾನಲ್ಗಳೂ ಉದುರಿ ಬಿದ್ದಿವೆ. ಕಾಮಗಾರಿ ಆರಂಭಿಕ ಹಂತದಲ್ಲೇ ಕಳಪೆಯಾಯಾಗಿದೆ ಎಂಬುದು ಸಾರ್ವಜನಿಕರ ಆರೋಪ. ನೂತನ ನೀಲನಕ್ಷೆ?: ಬಸ್ ನಿಲ್ದಾಣ ಸ್ಥಾಪನೆಗೆ ಆಗ್ರಹಿಸಿ ನವಲೂರ ಗ್ರಾಮಸ್ಥರು ಹಲವು ಬಾರಿ ಹೋರಾಟ ಮಾಡಿದ್ದಾರೆ. ನವಲೂರ ಬಳಿ ವಾಹನಗಳ ಸಂಚಾರಕ್ಕೂ ಅನನುಕೂಲವಾಗುತ್ತಿದ್ದು, ಅವೈಜ್ಞಾನಿಕ ಕಾಮಗಾರಿ ಮಾಡಲಾಗಿದೆ ಎಂದು ಸಾರ್ವಜನಿಕರು ದೂರಿದ್ದರು. ಇದರಿಂದ ಎಚ್ಚೆತ್ತುಕೊಂಡ ಬಿಆರ್ಟಿಎಸ್, ಫ್ಲೈಓವರ್ನ ನೀಲಿನಕ್ಷೆಯನ್ನು ಪರಿಷ್ಕರಿಸಲು ಯೋಜಿಸಿತ್ತು. ಆದರೆ ಅದಿನ್ನೂ ಕಾರ್ಯಗತವಾಗಿಲ್ಲ.
