ಪತ್ತೆಯಾದ ಕರೊನಾ ಶಂಕಿತರು ಪಟ್ಟಣದ ಕಳ್ಳಿಮಠ ಓಣಿ, ಬಸವೇಶ್ವರನಗರ, ಹುಗ್ಗಿ ಓಣಿ, ಕುಂಬಾರ ಓಣಿ, ಹಾಲಕುಸುಗಲ್, ಶಿರೂರ ಸೇರಿ ಎಲ್ಲರೂ ನವಲಗುಂದ ತಾಲೂಕಿನವರು ಎಂದು ಗುರುತಿಸಲಾಗಿದೆ. ಒಟ್ಟು 15 ಶಂಕಿತರೆಂದು ಪರಿಗಣಿಸಲಾಗಿದೆ. ಉಳಿದವರಿಗಾಗಿ ತಹಸೀಲ್ದಾರ್, ಪೊಲೀಸರು ಹುಡುಕಾಟ ನಡೆಸಿದ್ದಾರೆ. ಶಂಕಿತರು ದೆಹಲಿಯ ಧಾರ್ವಿುಕ ಸಭೆಯಲ್ಲಿ ಪಾಲ್ಗೊಂಡು ಮಾ. 13ರಂದು ನವಲಗುಂದಕ್ಕೆ ಆಗಮಿಸಿದ್ದರು. ಇವರೆಲ್ಲ ತರಕಾರಿ ವ್ಯಾಪಾರ, ಗಾರೆ, ಕೂಲಿ ಕೆಲಸ ಮಾಡುತ್ತಿದ್ದು, ಕೆಲವರು ಬಡ ಕುಟುಂಬಸ್ಥರಾಗಿದ್ದಾರೆ. ದೆಹಲಿಯಿಂದ ಹಿಂದಿರುಗಿದ ಬಳಿಕವೂ ತಾವು ಕರೊನಾ ಶಂಕಿತರೆಂಬ ಅರಿವಿಲ್ಲದೇ ಸಾರ್ವಜನಿಕರ ಜೊತೆ ಬೆರೆತಿದ್ದಾರೆ. ಇದರಿಂದ ಕರೊನಾ ಸೋಂಕು ಹರಡುವ ಭೀತಿ ತಾಲೂಕಿನ ಜನರಲ್ಲಿದೆ. ಶಂಕಿತರಲ್ಲಿ ಕರೊನಾ ಸೋಂಕು ಕಂಡು ಬಂದರೆ, ತಾಲೂಕಿನಲ್ಲಿ ಮತ್ತಷ್ಟು ಸಮಸ್ಯೆ ಉಲ್ಬಣಗೊಳ್ಳುವ ಸಾಧ್ಯತೆಗಳಿವೆ. ಮುನ್ನೆಚ್ಚರಿಕೆ ಕ್ರಮವಾಗಿ ತಾಲೂಕಾಡಳಿತ ಸಕಲ ಸಿದ್ಧತೆ ಮಾಡಿಕೊಂಡು ಶಂಕಿತರು ಎಲ್ಲೆಲ್ಲಿ ಓಡಾಡಿದ್ದಾರೆ. ಯಾರೊಂದಿಗೆ ಬೆರೆತಿದ್ದಾರೆ ಎಂಬಿತ್ಯಾದಿ ಮಾಹಿತಿ ಯನ್ನು ಸಾರ್ವಜನಿಕರಿಂದ ಕಲೆ ಹಾಕುತ್ತಿದ್ದಾರೆ. ಶಂಕಿತರ ರಕ್ತ ತಪಾಸಣೆ ಮಾದರಿಯನ್ನು ಹುಬ್ಬಳ್ಳಿ ಕಿಮ್ಸ್ನಿಂದ ತುಮಕೂರ ಲ್ಯಾಬ್ಗೆ ರವಾನಿಸಲಾಗುವುದು. ವರದಿ ಬಂದ ನಂತರ ನಿಜಾಂಶ ತಿಳಿಯಲಿದೆ. ಅಲ್ಲಿಯವರೆಗೆ ನವಲಗುಂದ ತಾಲೂಕಿನ ಜನರಲ್ಲಿ ಭೀತಿ ಇದೆ.
