ಹಾಸನ: ನಗರದ ಎನ್.ಆರ್.ವೃತ್ತದಲ್ಲಿರುವ ಪೊಲೀಸ್ ಸಂಕೀರ್ಣದ ನಾಲ್ಕನೇ ಮಹಡಿಯಿಂದ ಯುವಕ ಜಿಗಿದು ಮೃತಪಟ್ಟಿರುವ ಘಟನೆ ಶನಿವಾರ ನಡೆದಿದೆ.
ಹೊಳೆನರಸೀಪುರ ತಾಲೂಕು ಮಲ್ಲೇನಹಳ್ಳಿ ಗ್ರಾಮದ ರಾಜು ಹಾಗು ಆರತಿ ಎಂಬುವವರ ಪುತ್ರ ಸುನೀಲ್ (30) ಮೃತ ದುರ್ದೈವಿ ಈತ ಶುಕ್ರವಾರ ರಾತ್ರಿಯೂ ಎನ್.ಆರ್.ವೃತ್ತದಲ್ಲಿ ಸುತ್ತಾಡಿಕೊಂಡಿದ್ದ. ಶನಿವಾರ ಪೊಲೀಸ್ ಉಪಾಧೀಕ್ಷಕರ ಕಚೇರಿ ಸಂಕಿರ್ಣದಲ್ಲಿರುವ ನಗರ ಠಾಣೆ, ಗ್ರಾಮಾಂತರ ಪೊಲೀಸ್ ಠಾಣೆ, ಸಿಇಎನ್ ಪೊಲೀಸ್ ಠಾಣೆ, ಡಿವೈಎಸ್ಪಿ ಕಚೇರಿ ಕಡೆಗೆಲ್ಲಾ ಸುಮನೆ ಸುತ್ತಾಡಿದ್ದಾನೆ. ನಂತರ ನಾಲ್ಕನೇ ಮಹಡಿಗೆ ಏರಿ ಅಲ್ಲಿಂದ ಕೆಳಗೆ ಹಾರಿದ್ದಾನೆ. ತಲೆಗೆ ಬಲವಾದ ಏಟು ಬಿದ್ದ ಹಿನ್ನಲೇ ತಕ್ಷಣವೇ ಹಿಮ್ಸ್ ಆಸ್ಪತ್ರೆಗೆೆ ಕರೆ ತರಲಾಯಿತಾದರೂ ಮಾರ್ಗಮಧ್ಯೆ ಮೃತಪಟ್ಟಿದ್ದಾನೆ. ಸ್ಥಳಕ್ಕೆ ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿ ಮೊಹಮದ್ ಸುಜೀತಾ, ಡಿವೈಎಸ್ಪಿ ಮುರುಳಿಧರ ಹಾಗು ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದರು. ಪೊಲೀಸ್ ಠಾಣೆಯ ಸಿಸಿಟಿವಿ ಕ್ಯಾಮರಾದಲ್ಲಿ ಯುವಕ ಮೇಲಿಂದ ಹಾರಿರುವ ವಿಡಿಯೊ ಸೆರೆಯಾಗಿದೆ ಎನ್ನಲಾಗಿದೆ.
