ಕೆಲವು ದಿನಗಳ ಹಿಂದೆ ನನಗೆ ಕಿರುಕುಳ ನೀಡುತ್ತಿರುವ ಎಎಸ್ಐಗಳಾದ ಮಹೇಶ್, ಶಿವಶಂಕರಪ್ಪ, ಹೆಡ್ಕಾನ್ಸ್ಟೆಬಲ್ಗಳಾದ ಹಸಗೂಲಿ ರವಿ, ದಿವಾಕರ, ಗಂಗಾಧರ, ಚಾಲಕರಾದ ನಂಜಪ್ಪ ಹಾಗೂ ಹೊರೆಯಾಲ ಮಹದೇವಸ್ವಾಮಿ ಎಂಬುವರನ್ನು ವರ್ಗಾವಣೆ ಮಾಡುವಂತೆ ಕಾನೂನು ಸುವ್ಯವಸ್ಥೆ ವಿಭಾಗದ ಎಡಿಜಿಪಿ ಅವರಿಗೆ ತನ್ನ ಹೆಸರಿನಲ್ಲಿ ಪತ್ರ ಬರೆಯಲಾಗಿತ್ತು. ಈ ಬಗ್ಗೆ ಆ. 19ರಂದು ಡಿವೈಎಸ್ಪಿ ಕಚೇರಿಯಲ್ಲಿ ವಿಚಾರಣೆಗೆ ಹಾಜರಾಗಿ ಪತ್ರವನ್ನು ಪರಿಶೀಲಿಸಿದಾಗ ಅದು ನಕಲಿಯಾಗಿದ್ದು ಸಹಿ ಮತ್ತು ಅಕ್ಷರಗಳು ನನ್ನವಲ್ಲ ಎಂಬುದಾಗಿ ಹೇಳಿದ್ದೆ. ಅಲ್ಲದೆ ಪತ್ರದಲ್ಲಿ ಬರೆದಿರುವ ಎಲ್ಲ ಅಂಶಗಳೂ ಸುಳ್ಳಾಗಿವೆ ಎಂದು ಮನವರಿಕೆ ಮಾಡಲಾಗಿದೆ. ಮುಂದಿನ ದಿನಗಳಲ್ಲಿ ನನ್ನ ಹೆಸರು ದುರ್ಬಳಕೆ ಮಾಡಿಕೊಳ್ಳುವ ಸಂಭವವಿರುವುದರಿಂದ ಕೂಡಲೇ ನಕಲಿ ಪತ್ರ ಬರೆದಿರುವವರನ್ನು ಪತ್ತೆಹಚ್ಚಿ ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಲಾಗಿದೆ ಎಂದು ಮಂಜಪ್ಪ ವಿಜಯವಾಣಿಗೆ ತಿಳಿಸಿದ್ದಾರೆ.
