ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಜಿಪಂ ಮಾಜಿ ಸದಸ್ಯ ಎಚ್.ಎಸ್. ಶಂಕರ್, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯಿಂದ ಹಲವಾರು ಅಭಿವೃದ್ಧಿ ಯೋಜನೆಗಳನ್ನು ಪಟ್ಟಣ ಸೇರಿದಂತೆ ಗ್ರಾಮೀಣ ಪ್ರದೇಶಗಳಲ್ಲಿ ಮಾಡಿಕೊಂಡು ಬರುತ್ತಿದೆ. ಶಿಕ್ಷಣ ಕ್ಷೇತ್ರಗಳಲ್ಲಿ ಹಿರಿಯ ಪ್ರಾಥಮಿಕ, ಪೌಢಶಾಲೆಗಳಿಗೆ ಬೇಕಾದ ಪಿಠೋಪಕರಣಗಳ ಸವಲತ್ತುಗಳು, ಸ್ವಸಹಾಯ ಸಂಘಗಳಿಗೆ ಸವಲತ್ತು, ಶಿಥಿಲವಾದ ನೂರಾರು ದೇವಾಲಯಗಳ ಜಿರ್ಣೋದ್ಧಾರ, ಸುಮಾರು 50ಕ್ಕೂ ಹೆಚ್ಚು ಹಾಲು ಉತ್ಪಾದಕರ ಸಂಘಗಳು, ರುದ್ರಭೂಮಿಗಳ ಅಭಿವೃದ್ಧಿ ನದಿ, ಕೆರೆ- ಕಟ್ಟೆ ದೇವಾಲಯದ ಸುತ್ತಮುತ್ತಲಿನ ಸ್ವಚ್ಛತೆ ಮುಂತಾದ ಮೂಲ ಸೌಕರ್ಯಗಳನ್ನು ಶ್ರೀ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಮಾಡಿಕೊಂಡು ಶ್ಲಾಘನೀಯವಾಗಿದೆ ಎಂದರು.
