ಧಮ್ ಬಿರಿಯಾನಿ ಹೋಟೆಲ್ ಬಂದ್, ದೊಡ್ಡ ಅಮಾನಿ ಕೆರೆ ಬಳಿ ಮಾಂಸ ತ್ಯಾಜ್ಯ ವಿಲೇವಾರಿ ಹಿನ್ನೆಲೆ, ಹೊಸಕೋಟೆ ನಗರಸಭೆ ಅಧಿಕಾರಿಗಳ ಕ್ರಮ

ದೊಡ್ಡ ಅಮಾನಿಕೆರೆ ಬಳಿ ಸುರಿಯಲಾಗಿದ್ದ ಮಾಂಸ ತ್ಯಾಜ್ಯ ತೆರವುಗೊಳಿಸಲಾಗಿದೆ. ವಿಲೇವಾರಿ ಮಾಡಿದ ಹೋಟೆಲ್ ಮಾಲೀಕರಿಗೆ 5 ಸಾವಿರ ರೂ. ದಂಡ ವಿಧಿಸಲಾಗಿದೆ. ಹೋಟೆಲ್‌ಗೆ ಸಂಬಂಧಪಟ್ಟ ದಾಖಲೆಗಳನ್ನು ಸಲ್ಲಿಸಲು ಸೂಚಿಸಿ, ನೋಟಿಸ್ ನೀಡಲಾಗಿದೆ. ಅವನ್ನು ಪರಿಶೀಲಿಸಿದ ಬಳಿಕ ನಗರಸಭೆ ಆಯುಕ್ತರು ಮುಂದಿನ ಕ್ರಮ ಕೈಗೊಳ್ಳುವರು. ಲಾವಣ್ಯ ನಗರಸಭೆ ಆರೋಗ್ಯ ನಿರೀಕ್ಷಕಿ ಧಮ್ ಬಿರಿಯಾನಿ ಹೋಟೆಲ್‌ಗಳ ಜತೆಗೆ ಪಾನಿಪೂರಿ, ತರಕಾರಿ ಅಂಗಡಿ ಹಾಗೂ ಬೇಕರಿಗಳಿಗೂ ನೋಟಿಸ್ ಜಾರಿ ಮಾಡಲಾಗಿದೆ. ಆಹಾರ ಸಿದ್ಧಪಡಿಸುವ ಸ್ಥಳ, ಸಲಕರಣೆಗಳ ಗುಣಮಟ್ಟ, ವ್ಯವಹಾರ ಸ್ಥಳದ, ಕಂದಾಯ ಪಾವತಿ ರಸೀದಿ, ಪರವಾನಗಿ ಸೇರಿ ಎಲ್ಲ ಮಾಹಿತಿಗಳನ್ನು ಪರಿಶೀಲಿಸಲು ಅಧಿಕಾರಿಗಳಿಗೆ ಸೂಚಿಸಲಾಗಿದೆ. ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು. ರಮೇಶ್, ನಗರಸಭೆ ಆಯುಕ್ತ