ಪಟ್ಟಣದಲ್ಲಿ ಹೆಲ್ಮೆಟ್ ಧರಿಸಿಲ್ಲ ಎಂದು ಎಷ್ಟರ ಮಟ್ಟಿಗೆ ಕೇಸ್ ಹಾಕುತ್ತಾರೆ ಎಂದು ಉದಾಹರಣೆ ಸಹಿತ ಮುನಿರಾಜು ವಿವರಿಸಿದರು. ವಿಜಯಪುರ ತಿರುವು ರಸ್ತೆಯ ಶಿವಕುಮಾರ ಸ್ವಾಮಿ ರಸ್ತೆ ಬಳಿ ಬರುವ ದ್ವಿಚಕ್ರ ವಾಹನದ ಫೋಟೋ ತೆಗೆಯುವ ಪೊಲೀಸರು ಅಲ್ಲೆ ಒಂದು ಕೇಸ್ ಹಾಕುತ್ತಾರೆ. ಅಲ್ಲಿಂದ ಮುಂದೆ ಅದೇ ಸಮಯದಲ್ಲಿ ಅದೇ ವಾಹನ ಹಳೇ ಬಸ್ ನಿಲ್ದಾಣದ ಬಳಿ ಬರುತ್ತಿದ್ದಂತೆ ಅಲ್ಲೊಬ್ಬರು ೆಟೋ ತೆಗೆದು ಕೇಸ್ ಹಾಕುತ್ತಾರೆ, ಅದೇ ವಾಹನ ಸವಾರ ಸಮೀಪದ ತಾಲೂಕು ಕಚೇರಿ ಬಳಿ ಬಂದರೆ ಅಲ್ಲೊಂದು ಕೇಸ್ ಬೀಳುತ್ತೆ, ಅದೇ ರಸ್ತೆಯಲ್ಲಿ ಮುಂದೆ ಸಾಗಿ ಹೊಸಬಸ್ ನಿಲ್ದಾಣ ತಲುಪಿದರೆ ಮಗದೊಂದು ಕೇಸ್. ಹೀಗೆ ಒಂದೇ ದಿನ ಕೇವಲ 500 ಮೀಟರ್ ಅಂತರದಲ್ಲಿ ಒಂದೇ ವಾಹನಕ್ಕೆ ಐದಾರು ಕೇಸ್ ಹಾಕಿ ಸಾರ್ವಜನಿಕರನ್ನು ಸುಲಿಯುತ್ತಿದ್ದಾರೆ ಎಂದು ಆರೋಪಿಸಿದರು.
