ಮುಶಿಗೇರಿ, ನೆಲ್ಲೂರ, ಕಾಲಕಾಲೇಶ್ವರ, ಸೂಡಿ, ಜಕ್ಕಲಿ, ಅಬ್ಬಿಗೇರಿ ಸೇರಿ ಅನೇಕ ಗ್ರಾಮಗಳಲ್ಲಿ ಲಕ್ಷಾಂತರ ರೂ. ಖರ್ಚು ಮಾಡಿ ದಾಳಿಂಬೆ ಬೆಳೆದಿದ್ದಾರೆ. ಈ ವರ್ಷ ಗಿಡಗಳು ಕಾಯಿ ಬಿಡಲು ಆರಂಭಿಸಿವೆ. ಆದರೆ, ಎಲೆ ಮತ್ತು ಕಾಯಿಗಳಿಗೆ ದುಂಡಾಣು ರೋಗದ ಜತೆಗೆ ಕಾಯಿ ಕೊರಕ ರೋಗವೂ ಕಾಣಿಸಿಕೊಂಡಿರುವುದರಿಂದ ಗಿಡಗಳು ಒಣಗುತ್ತಿವೆ. ದುಂಡಾಣು ಮತ್ತು ಕಾಯಿ ಕೊರಕ ರೋಗ ತಡೆಗಟ್ಟಲು ಕೃಷಿ ವಿಜ್ಞಾನಿಗಳು ಹಾಗೂ ವೈದ್ಯರು ನೀಡುವ ಸಲಹೆ ಆಧರಿಸಿ ಸಾಕಷ್ಟು ಕ್ರಿಮಿನಾಶಕ ಸಿಂಪಡಣೆ ಮಾಡಿದ್ದೇವೆ. ಆದರೂ ಐದು ಎಕರೆ ದಾಳಿಂಬೆ ಬೆಳೆ ಸಂಪೂರ್ಣವಾಗಿ ಹಾನಿಗೀಡಾಗಿದೆ. ಇದರಿಂದಾಗಿ ದಾಳಿಂಬೆ ಗಿಡಗಳನ್ನೆಲ್ಲ ಕಿತ್ತು ಹಾಕಲು ತಿರ್ವನಿಸಿದ್ದೇವೆ ಎನ್ನುತ್ತಾರೆ ಪಟ್ಟಣದ ರೈತ ವಿಜಯಕುಮಾರ ಸಜ್ಜನ.
