ನಗರದ ಲಲಿತ ಮಹಲ್ ಪ್ಯಾಲೆಸ್ನಲ್ಲಿ ಎರಡು ದಿನಗಳ ಕಾಲ ಹಮ್ಮಿಕೊಂಡಿರುವ ಬಿಜೆಪಿ ಎಸ್ಸಿ ಮೋರ್ಚಾ ರಾಷ್ಟ್ರೀಯ ಕಾರ್ಯಕಾರಿಣಿಯ ಉದ್ಘಾಟನಾ ಸಮಾರಂಭದಲ್ಲಿ ಶನಿವಾರ ಮಾತನಾಡಿ, ಅಫ್ಘಾನಿಸ್ತಾನದ ಬಾಮಿಯಾನ್ ಬುದ್ಧನ ಪ್ರತಿಮೆಯನ್ನು ಯಾರು ಒಡೆದು ಹಾಕಿದರು? ಏತಕ್ಕೆ ಒಡೆದು ಹಾಕಿದರು? ಒಡೆದು ಹಾಕುವುದರ ಹಿಂದಿನ ಮಾನಸಿಕತೆ ಏನಿತ್ತು? ಅಂತಹ ಮಾನಸಿಕ ಹೊಂದಿರುವ ‘ತುಕಡೆ ತುಕಡೆ ಗ್ಯಾಂಗ್’ ಭಾರತವನ್ನು ಸಹ ವಿಭಜಿಸುವ ಆಲೋಚನೆಯಲ್ಲಿ ಇದೆ. ಆ ‘ತುಕಡೆ ತುಕಡೆ ಗ್ಯಾಂಗ್’ನವರು ದಲಿತ ಸಮುದಾಯದವರೊಂದಿಗೆ ಸೇರಿಕೊಂಡು ತಮ್ಮ ಲಾಭಕೋಸ್ಕರ ‘ಜೈ ಭೀಮ್’ ಅನ್ನುತ್ತಿದ್ದಾರೆ. ಯಾರು ಶತ್ರುಗಳು ಯಾರು ಮಿತ್ರರು ಎಂಬುದನ್ನು ದಲಿತ ಸಮುದಾಯ ಅರಿಯಬೇಕು. ಶತ್ರು ಎಂದಿಗೂ ಮಿತ್ರನಾಗಲು ಸಾಧ್ಯವಿಲ್ಲ ಎಂದು ಸಿ.ಟಿ. ರವಿ ಪರೋಕ್ಷ ವಾಗಿ ಕಾಂಗ್ರೆಸ್ ಹಾಗೂ ಮುಸ್ಲಿಂ ಸಮುದಾಯದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದರು.
