ತಮ್ಮನ ಮಗನಿಂದಲೇ ದೊಡ್ಡಪ್ಪನ ಹತ್ಯೆ

ಗುಬ್ಬಿ: ತಾಲೂಕಿನ ಸಿ.ಎಸ್​.ಪುರ ಹೋಬಳಿ ಅಂಕಳಕೊಪ್ಪದಲ್ಲಿ ಶುಕ್ರವಾರ ಸಂಜೆ ತಮ್ಮನ ಮಗನೇ ದೊಡ್ಡಪ್ಪನನ್ನು ಚಾಕುವಿನಿಂದ ಚುಚ್ಚಿ ಕೊಲೆ ಮಾಡಿದ್ದಾನೆ. ಕರೀಂ ಸಾಬ್​ (65) ಮೃತ. ಕರೀಂ ಸಾಬ್​ನ ತಮ್ಮನ ಮಗ ಸಬ್ರೀಸ್​ ಕೊಲೆ ಮಾಡಿ ತಲೆಮರೆಸಿಕೊಂಡಿದ್ದಾನೆ. ಜಮೀನಿನ ವಿಷಯಕ್ಕೆ ಅಣ್ಣ-&ತಮ್ಮಂದಿರ ನಡುವೆ ವ್ಯಾಜ್ಯವಿತ್ತು. ಶುಕ್ರವಾರ ಇದೇ ವಿಷಯಕ್ಕೆ ಗಲಾಟೆಯಾದಾಗ ಸಬ್ರೀಸ್​ ದೊಡ್ಡಪ್ಪನನ್ನು ಚಾಕುವಿನಿಂದ ಚುಚ್ಚಿ ಕೊಲೆ ಮಾಡಿದ್ದಾನೆ ಎನ್ನಲಾಗಿದೆ. ಸಿಎಸ್​ ಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಸ್ಥಳ ಪರಿಶೀಲನೆ ನಡೆಸಿ, ಆರೋಪಿಯ ಪತ್ತೆಗಾಗಿ ಬಲೆ ಬಿಸಿದ್ದಾರೆ.