ತಡೆ ಹಿಡಿದ ಅನುದಾನ ಬಿಡುಗಡೆ ಮಾಡಿ

ಕಾಳಗಿ: ರಟಕಲ್‌ನಲ್ಲಿರುವ ಶ್ರೀ ರೇವಣಸಿದ್ಧೇಶ್ವರ ದೇವಸ್ಥಾನದ ಅಭಿವೃದ್ಧಿಗೆ ಹಿಂದಿನ ಸರ್ಕಾರ ೨ ಕೋಟಿ ರೂ. ಅನುದಾನ ನೀಡಿತ್ತು. ಆದರೆ ಇದೀಗ ಅಸ್ತಿತ್ವಕ್ಕೆ ಬಂದಿರುವ ಸರ್ಕಾರ ಅನುದಾನ ತಡೆಹಿಡಿದಿದ್ದು, ಕೂಡಲೇ ಬಿಡುಗಡೆ ಮಾಡಿ ಪುಣ್ಯಕ್ಷೇತ್ರದ ಅಭಿವೃದ್ಧಿಗೆ ಶ್ರಮಿಸಬೇಕು ಎಂದು ಬಾಳೆಹೊನ್ನೂರು ಶ್ರೀ ರಂಭಾಪುರಿ ಡಾ.ವೀರಸೋಮೇಶ್ವರ ಜಗದ್ಗುರುಗಳು ಒತ್ತಾಯಿಸಿದರು.

ರೇವಗ್ಗಿ(ರಟಕಲï) ಗ್ರಾಮದ ರೇವಣಸಿದ್ಧೇಶ್ವರ ಗುಡ್ಡದಲ್ಲಿ ೫೧ಅಡಿ ಎತ್ತರದ ಜಗದ್ಗುರು ರೇಣುಕಾಚಾರ್ಯರ ಮೂರ್ತಿಯನ್ನು ಸೋಮವಾರ ಲೋಕಾರ್ಪಣೆಗೊಳಿಸಿ ಮಾತನಾಡಿ, ಧಾರ್ಮಿಕ ಕ್ಷೇತ್ರಗಳಲ್ಲಿ ನೆಮ್ಮದಿ ಸಿಗುತ್ತದೆ. ಶ್ರದ್ಧೆ- ಭಕ್ತಿ ಹಾಗೂ ಶಿಸ್ತಿನಿಂದ ದೇವರ ಧ್ಯಾನ ಮಾಡಿದರೆ ಮುಕ್ತಿ ಸಿಗುತ್ತದೆ. ಮೂರ್ತಿ ಅನಾವರಣ ಸಮಯದಲ್ಲಿ ಮಳೆ ಬರುತ್ತಿರುವುದು ಶುಭ ಸಂಕೇತ. ವರುಣನ ಕೃಪೆಯಿಂದ ಉತ್ತಮ ಬೆಳೆ ಬೆಳೆದು, ಬೆಲೆ ಸಿಗುವ ಮೂಲಕ ರೈತನ ಮುಖದಲ್ಲಿ ಸಂತಸ ಮೂಡಲಿದೆ ಎಂದು ಹೇಳಿದರು.

ರೇವಣಸಿದ್ಧೇಶ್ವರ ಕ್ಷೇತ್ರದಲ್ಲಿ ಶಾಸ್ತೊçÃಕ್ತವಾಗಿ ಧರ್ಮ ಕಾರ್ಯ ನಡೆಯಬೇಕು ಎಂಬ ಉz್ದೆÃಶದಿಂದ `ಜಗದ್ಗುರು ರೇಣುಕಾಚಾರ್ಯ ಗುರುಕುಲ' ಸ್ಥಾಪಿಸುವ ಆಶಯವನ್ನು ಸರ್ಕಾರದ ಗಮನಕ್ಕೆ ತಂದಿz್ದÉÃವು. ಆದರೆ ಇಲ್ಲಿವರೆಗೂ ಯಾವುದೇ ನಿರ್ಧಾರ ಕೈಗೊಳ್ಳದಿರುವುದು ಬೇಸರ ತರಿಸಿದೆ. ಗುರುಕುಲ ನಿರ್ಮಾಣಕ್ಕೆ ೫ ಎಕರೆ ಸ್ಥಳ ಬೇಕು, ಸರ್ಕಾರದಿಂದ ಎಷ್ಟು ಸಾಧ್ಯವೋ ಅಷ್ಟು ಜಮೀನು ನೀಡಲಿ. ಭಕ್ತರ ಸಹಕಾರದಿಂದ ಗುರುಕುಲ ಆರಂಭಿಸುತ್ತೇವೆ ಎಂದರು.

ಹೊನ್ನಕಿರಣಗಿಯ ಶ್ರೀ ಚಂದ್ರಗುAಡ ಶಿವಾಚಾರ್ಯರು ಆಶಿರ್ವಚನ ನೀಡಿ, ರಟಕಲ್‌ನಲ್ಲಿನ ರೇವಣಸಿದ್ಧೇಶ್ವರ ದೇಗುಲದ ಅಭಿವೃದ್ಧಿಗೆ ಪ್ರತಿಯೊಬ್ಬರೂ ಶ್ರಮಿಸಬೇಕು. ಗುಡ್ಡದಲ್ಲಿ ೫೧ ಅಡಿ ಎತ್ತರದ ರೇಣುಕಾಚಾರ್ಯ ಮೂರ್ತಿ ನಿರ್ಮಾಣದಲ್ಲಿ ಸಂಸದ ಡಾ.ಉಮೇಶ ಜಾಧವ್, ಶಾಸಕ ಡಾ.ಅವಿನಾಶ ಜಾಧವ್ ಅವರ ಶ್ರಮ ಹೆಚ್ಚಿದೆ ಎಂದು ಮೆಚ್ಚುಗೆ ವ್ಯಕ್ರಪಡಿಸಿದರು.

ಶಾಸಕ ಡಾ.ಅವಿನಾಶ ಜಾಧವ್ ಮಾತನಾಡಿ, ಶ್ರೀ ರೇವಣಸಿದ್ಧೇಶ್ವರರ ಆಶಿರ್ವಾದದಿಂದಲೇ ನಾನು ಎರಡನೇ ಬಾರಿ ಶಾಸಕನಾಗಿ ಆಯ್ಕೆಯಾಗಿz್ದÉÃನೆ. ಜನರ ಸೇವೆ ಮಾಡುವ ಮೂಲಕ ಮತಕ್ಷೇತ್ರದ ಸರ್ವಾಂಗೀಣ ಅಭಿವೃದ್ಧಿಗೆ ಶ್ರಮಿಸುವೆ. ದೇಗುಲದ ಆವರಣದಲ್ಲಿ ರೇಣುಕಾಚಾರ್ಯ ಗುರುಕುಲ ಪ್ರಾರಂಭಿಸಲು ಪ್ರಾಮಾಣಿಕ ಪ್ರಯತ್ನ ಮಾಡುವೆ ಎಂದು ಭರವಸೆ ನೀಡಿದರು. ಸೇಡಂ ಸಹಾಯಕ ಆಯುಕ್ತ ಹಾಗೂ ದೇವಸ್ಥಾನ ಆಡಳಿತ ಅಧಿಕಾರಿ ಆಶಪ್ಪ ಪೂಜಾರಿ ದಂಪತಿ ರುದ್ರಹೋಮ, ಪ್ರಾಣ ಪ್ರತಿಷ್ಠಾಪನೆ ಪೂಜೆ ನೆರವೇರಿಸಿದರು.

ಸೂಗುರ(ಕೆ) ಶ್ರೀ ಡಾ.ಚನ್ನರುದ್ರಮುನಿ ಶಿವಾಚಾರ್ಯರು, ರಟಕಲï‌ನ ಶ್ರೀ ರೇವಣಸಿದ್ಧ ಶಿವಾಚಾರ್ಯರು, ಚಂದನಕೇರಾದ ಶ್ರೀ ಅಭಿನವ ರಾಚೋಟೇಶ್ವರ ಶಿವಾಚಾರ್ಯರು, ಕೋಡ್ಲಿಯ ಶ್ರೀ ಬಸವಲಿಂಗ ಶಿವಾಚಾರ್ಯರು, ಮಂಗಲಗಿಯ ಶ್ರೀ ಡಾ. ಶಾಂತಸೋಮನಾಥ ಶಿವಾಚಾರ್ಯರು, ತಹಸೀಲ್ದಾರ್ ಸಂಗಯ್ಯಸ್ವಾಮಿ, ಪ್ರಮುಖರದ ಶಿವಶರಣಪ್ಪ ಸೀರಿ, ಮಂಜುನಾಥ ನಾವಿ, ಶಿವರಾಜ ಪಾಟೀಲ್ ಗೊಣಗಿ, ದತ್ತಾತ್ರೇಯ ರಾಯಗೋಳ, ರೇವಣಸಿದ್ದ ಬಡಾ, ವೀರೇಶ ಮಠಪತಿ, ಸಿದ್ದು ಚಿಟ್ನಳ್ಳಿ, ಸಿದ್ದಯ್ಯ ಮಠಪತ್ತಿ, ಗಂಗಾಧರ ಸ್ವಾಮಿ, ರೇವಣಸಿದ್ದ ಚೆಂಗಟಿ, ಶಾಂತಪ್ಪ ನಾಗೂರ, ನಾಗೇಶ ಬಿರಾದಾರ, ವಿವೇಕಾನಂದ ಸ್ವಾಮಿ, ಕರಣಯ್ಯ ಸ್ವಾಮಿ, ಕಮಲಾಕರ ಕರಗದ, ರೇವಣಸಿದ್ದಪ್ಪ ಕುರಿಕೋಟಾ ಇತರರಿದ್ದರು.