ಧರ್ಮಸ್ಥಳ ಸಂಸ್ಥೆಯ ಮೇಲುಕೋಟೆ ಯೋಜನಾಧಿಕಾರಿ ಸರೋಜಾ ಮಾತನಾಡಿ, ಮನೆಗಳಲ್ಲಿ ಹಿರಿಯರು ಎನಿಸಿಕೊಂಡವರು ಧೂಮಪಾನ ಚಟಕ್ಕೆ ಒಳಗಾದರೆ ಕಿರಿಯರು ಅವರನ್ನು ಅನುಸರಿಸಿ ಕಾಲ ಕ್ರಮೇಣ ತಂಬಕು ವ್ಯಸನಿಗಳಾಗುತ್ತಾರೆ. ಧೂಮಪಾನಿ ಸ್ನೇಹಿತರ ಸಹವಾಸ, ನಟ-ನಟಿಯರನ್ನು ಅನುಕರಣೆ ಮಾಡುವುದು, ಧೂಮಪಾನಿ ಪಾಲಕರ ಪ್ರಭಾವ ಹೀಗೆ ಹತ್ತು ಹಲವು ಕಾರಣಗಳಿಂದ ಧೂಮಪಾನದ ಚಟ ಅಂಟಿಸಿಕೊಂಡು ಆರೋಗ್ಯ ಹದಗೆಡಿಸಿಕೊಳ್ಳುವ ಜತೆಗೆ ಆರ್ಥಿಕ ಸಮಸ್ಯೆಗಳಿಗೆ ಬಲಿಯಾಗುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಡಾ.ವಿರೇಂದ್ರ ಹೆಗ್ಗಡೆಯವರು ಮದ್ಯವರ್ಜನ ಶಿಬಿರಗಳ ಆಯೋಜನೆ ಹಾಗೂ ಪ್ರಕೃತಿ ಚಿಕಿತ್ಸಾ ಕೇಂದ್ರಗಳಲ್ಲಿ ಹಲವು ಯೋಜನೆಗಳನ್ನು ಕಾರ್ಯರೂಪಕ್ಕೆ ತಂದಿದ್ದಾರೆ ಎಂದು ಹೇಳಿದರು.
ಪ್ರಾಂಶುಪಾಲ ತೇಜೇಂದ್ರ, ಸಹ ಶಿಕ್ಷಕರಾದ ರಾಮಚಂದ್ರು, ಪವಿತ್ರಾ, ರೂಪಾ ಇತರರು ಇದ್ದರು.
