ಧಾರವಾಡ, ಬೆಳಗಾವಿ, ವಿಜಯಪುರ ಜಿಲ್ಲೆಯಲ್ಲಿ 34 ಇದ್ದ ಕನ್ನಡ ಪ್ರಾಥಮಿಕ ಶಾಲೆಗಳ ಸಂಖ್ಯೆ ಚನ್ನಬಸಪ್ಪನವರ ಕಾರ್ಯಕ್ಷಮತೆಯಿಂದ 668ಕ್ಕೆ ಏರಿದ್ದು ದಾಖಲೆ ಬರೆದಿತ್ತು ಎಂದರು. ಆ ಸಂದರ್ಭದಲ್ಲಿ ಅವರ ಹೆಸರಿನೊಂದಿಗೆ ಡೆಪ್ಯೂಟಿ ಎಂಬ ಹುದ್ದೆ ನಾಮವೂ ಅಂಟಿಕೊಂಡಿತು. ರಾಜ್ಯದ ಹಲವೆಡೆ ಬಡ ವಿದ್ಯಾರ್ಥಿಗಳಿಗೆ ಉಚಿತ ಪ್ರಸಾದ ನಿಲಯಗಳನ್ನೂ ಸ್ಥಾಪಿಸುವ ಮೂಲಕ ಚನ್ನಬಸಪ್ಪ ಅವರುಹಲವರ ಬಾಳಿಗೆ ಬೆಳಕಾಗಿದ್ದರು. ರಾಜ್ಯೋತ್ಸವ ಸಂದರ್ಭ ಇಂಥವರು ಸ್ಮರಣೀಯರು ಎಂದು ಶಿಕ್ಷಕ ಲಿಂಗರಾಜು ಹೇಳಿದರು. ಸ್ಫೂರ್ತಿದಾಯಕ: ಜೆಎಸ್ಬಿ ಪ್ರತಿಷ್ಠಾನದ ಮುಖ್ಯಸ್ಥ ಎಸ್. ಶಶಿಕುಮಾರ್ ಮಾತನಾಡಿ, ಕನ್ನಡ ಭಾಷಾ ಪುನರುಜ್ಜೀವನ ಮತ್ತು ಕನ್ನಡ ಶಾಲಾ ಸ್ಥಾಪನೆಗೆ ತಮ್ಮನ್ನೇ ಅರ್ಪಿಸಿಕೊಂಡಿದ್ದ ಡೆಪ್ಯೂಟಿ ಎಜುಕೇಶನಲ್ ಇನ್ಸ್ಪೆಕ್ಟರ್ ಚನ್ನಬಸಪ್ಪ ಅವರ ಸಾಧನೆ, ನೆನಹು ನಮಗೆಲ್ಲ ಸ್ಫೂರ್ತಿದಾಯಕ ಎಂದರು. ವಿವಿಧ ಸ್ಪರ್ಧೆ ವಿಜೇತ ಮಕ್ಕಳಿಗೆ ಕನ್ನಡ ಪುಸ್ತಕಗಳ ಬಹುಮಾನ, ಕಿರು ಪುಸ್ತಕ ನೀಡಲಾಯಿತು. ಮಕ್ಕಳ ಸಾಂಸ್ಕೃತಿಕ ಕಾರ್ಯಕ್ರಮಗಳು ಮನ ಸೆಳೆದವು. ಮುಖ್ಯ ಶಿಕ್ಷಕ ಎನ್ ಲೋಕೇಶ, ಸಹ ಶಿಕ್ಷಕರಾದ ಮೇರಿ ನಿರ್ಮಲಾ, ಮಲ್ಲೇಶ ಬಾಬು, ಶ್ರೀಕಾಂತ, ಗೋವಿಂದ ರಾಜು, ಕಾವ್ಯಾ ಮತ್ತು ಶಾಲಾ ಸಿಬ್ಬಂದಿ ಇದ್ದರು.
