ಕಲಬುರಗಿ: ಸಿಎಂ, ಡಿಸಿಎಂ ಬದಲಾವಣೆ ಅನಾವಶ್ಯಕ. ಮುಖ್ಯಮಂತ್ರಿ ಸ್ಥಾನ ಬಿಟ್ಟುಕೊಡಿ ಎಂದು ಹೇಳಲು ಶ್ರೀ ಚಂದ್ರಶೇಖರ ಸ್ವಾಮೀಜಿ ಯಾರು? ಶಾಸಕಾಂಗ ಪಕ್ಷದ ಸದಸ್ಯರಾ? ಇಂತಹ ಸ್ಥಾನಗಳ ಬಗ್ಗೆ ಸಾರ್ವಜನಿಕವಾಗಿ ಚರ್ಚೆ ಮಾಡುವುದು ಧಾರ್ಮಿಕ ಅಶಿಸ್ತು ತೋರಿಸುತ್ತದೆ ಎಂದು ರಾಯರಡ್ಡಿ ಕಿಡಿ ಕಾರಿದರು.
ಸ್ವಾಮೀಜಿಗಳು ಧರ್ಮ ಬೋಧನೆ ಮಾಡಬೇಕು, ಅಗೌರವ ಆಗುತ್ತದೆ. ಹೆಚ್ಚುವರಿ ಡಿಸಿಎಂ ಹುದ್ದೆ ಮಾಡಲು ಅವಕಾಶವಿದೆ. ೩೨ ಜನರನ್ನು ಉಪ ಮುಖ್ಯಮಂತ್ರಿ ಮಾಡಬಹುದು. ಸಚಿವರಾದವರು ಡಿಸಿಎಂ ಆಗಬಹುದು. ಆದರೆ ಪೋಸ್ಟ್ನಲ್ಲಿ ಪವರ್ ಇಲ್ಲ, ಬೆಲೆಯೂ ಇಲ್ಲ. ಡಿಸಿಎಂ ಸ್ವಲ್ಪ ತೂಕ ಜಾಸ್ತಿ ಬರಲಿದೆ ಎಂದು ಕೇಳುತ್ತಿದ್ದಾರೆ. ಈ ಬಗ್ಗೆ ಚರ್ಚಿಸುವವರು ನಾನ್ಸೆನ್ಸ್ ಅಷ್ಟೆ ಎಂದರು.
ಸಿದ್ದರಾಮಯ್ಯ ಒಳ್ಳೆಯ ಮುಖ್ಯಮಂತ್ರಿ ಎಂಬುದರಲ್ಲಿ ಎರಡು ಮಾತಿಲ್ಲ. ಇನ್ನೂ ನಾಲ್ಕು ವರ್ಷ ಬದಲಾವಣೆ ಮಾಡದಿದ್ದರೆ ರಾಜ್ಯಕ್ಕೆ ಅನುಕೂಲ ಆಗಲಿದೆ. ಜಾತಿವಾರು ಮಂತ್ರಿ, ಜಾತಿವಾರು ಸಚಿವಗಿರಿ ಕೇಳುವುದು ಸರಿಯಲ್ಲ. ಜಾತಿ ನೋಡಿ ಮತ ಜನ ಹಾಕಲ್ಲ. ಸಿದ್ದರಾಮಯ್ಯನವರನ್ನು ಇಳಿಸಲು ಆಗುವುದಿಲ್ಲ ಎಂದು ಸ್ಪಷ್ಟಪಡಿಸಿದರು.
