ಡಿಸಿ ಕಚೇರಿ ಮಾರ್ಗ ಬಂದ್​

ಕಲಬುರಗಿ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ನೇತೃತ್ವದಲ್ಲಿ ಸಚಿವರ ಸಭೆ ನಡೆಯುವ ಸಂದರ್ಭದಲ್ಲಿ ಕಲಬುರಗಿ ನಗರದ ಜಿಲ್ಲಾಧಿಕಾರಿ ಕಚೇರಿ ಎದುರಿನ ಮಾರ್ಗದಲ್ಲಿ ಸಾರ್ವಜನಿಕರ ವಾಹನ ಸಂಚಾರದ ಮಾರ್ಗ ಬದಲಾವಣೆ ಮಾಡಲಾಗಿದೆ ಎಂದು ನಗರ ಪೊಲೀಸ್​ ಆಯುಕ್ತ ಡಾ.ಶರಣಪ್ಪ ಎಸ್​.ಡಿ.ತಿಳಿಸಿದ್ದಾರೆ.

ಬಸ್​ ನಿಲ್ದಾಣದಿಂದ ಬರುವ ವಾಹನಗಳು ಜೇವರ್ಗಿ ಕ್ರಾಸ್​ನಿಂದ ಎಸ್ಬಿ ಕಾಲೇಜ್​ ಮಾರ್ಗವಾಗಿ ಹೊಗಬೇಕು. ಸೂಪರ್​ ಮಾರ್ಕೆಟ್ನಿಂದ ಬರುವ ವಾಹನಗಳು ಎಸ್​ಬಿ ಪೆಟ್ರೋಲ್​ ಪಂಪನಿಂದ ಡಿಸಿ ಕಚೇರಿ ಹಿಂದಿನಿಂದ ನೊಬೇಲ್​ ಶಾಲೆ ಮಾರ್ಗವಾಗಿ ಹೋಗಬೇಕು ಎಂದು ತಿಳಿಸಿದ್ದಾರೆ. ಎಸ್​ಬಿ ಪೆಟ್ರೋಲ್​ ಪಂಪ್​ನಿಂದ ಎಸ್​ವಿಪಿ ಚೌಕ್​ವರೆಗೆ ಸಂಪೂರ್ಣ ರಸ್ತೆ ಬಂದ್​ ಇರಲಿದೆ ಎಂದು ತಿಳಿಸಿದ್ದಾರೆ.

ಗಣ್ಯರ ವಾಹನ ಡಿಸಿ ಕಚೇರಿ ಆವರಣದಲ್ಲಿ, ಉನ್ನತ ಅಧಿಕಾರಿಗಳ ವಾಹನ ಎನ್​ಸಿಸಿ, ಕನ್ನಡ ಭವನ ಆವರಣದಲ್ಲಿ, ಡಿಸಿ ಕಚೇರಿ ನೌಕರರ ವಾಹನ ಕೂಡಾ ಆವರಣದಲ್ಲಿ ನಿಲುಗಡೆಗೆ ಅವಕಾಶ ನೀಡಲಾಗಿದೆ ಎಂದು ತಿಳಿಸಿದ್ದಾರೆ.