ಸಾರ್ವಜನಿಕರ ಆಕ್ರೋಶ: ತಾಲೂಕಿನ ಸುತ್ತಲಿನ ಪ್ರದೇಶಗಳಲ್ಲಿ ತಲೆ ಎತ್ತಿರುವ ಪ್ರಭಾವಿಗಳ ಕ್ರಷರ್ಗಳು ಉತ್ಪಾದಿಸುವ ಎಂಸ್ಯಾಂಡ್, ಖಡಿ, ಕಲ್ಲಿಪುಡಿ ಮತ್ತು ಮರಳು ಸಾಗಿಸುವ ಟಿಪ್ಪರ್ ಲಾರಿಗಳ ಅಬ್ಬರಕ್ಕೆ ಪಟ್ಟಣ ಸೇರಿ ತಾಲೂಕಿನ ಜನತೆ ರೋಸಿ ಹೋಗಿದ್ದಾರೆ. ಹಗಲೂ-ರಾತ್ರಿ ಓವರ್ ಲೋಡ್ನೊಂದಿಗೆ ಲಂಗು-ಲಗಾಮಿಲ್ಲದೆ ಸಂಚರಿಸುವ ವಾಹನಗಳಿಗೆ ಸಂಬಂಧಪಟ್ಟ ಆರ್ಟಿಒ, ಕಂದಾಯ, ಪೊಲೀಸ್ ಎಲ್ಲರೂ ಸೇರಿ ಯಾವುದೇ ಮುಲಾಜಿಲ್ಲದೆ ಲಂಗು-ಲಗಾಮು ಹಾಕಬೇಕು. ಪಟ್ಟಣಕ್ಕೆ ವಿದ್ಯಾರ್ಥಿಗಳು ಸೇರಿ ನಿತ್ಯ ಸಾವಿರಾರು ಜನರು ಬರುತ್ತಾರೆ. ಬೆಳಗ್ಗೆ 10 ರಿಂದ ಸಂಜೆ 6 ವರೆಗೆ ಕಲ್ಲು, ಖಡಿ, ಮರಳು, ಎಂಸ್ಯಾಂಡ್ ಸಾಗಿಸುವ ವಾಹನ ಸಂಚಾರ ನಿಷೇಧಿಸಬೇಕು. ಇಲ್ಲದಿದ್ದರೆ ಇನ್ನೂ ಅದೆಷ್ಟು ಜೀವಗಳು ಬಲಿಯಾಗುತ್ತವೆಯೋ ದೇವರೇ ಬಲ್ಲ. ಜನರು ಬೀದಿಗಿಳಿಯುವ ಮೊದಲೇ ಅಧಿಕಾರಿಗಳು ನಿಗಾ ವಹಿಸಬೇಕು ಎಂದು ತಾ.ಪಂ. ಮಾಜಿ ಸದಸ್ಯ ಚನ್ನಪ್ಪ ಜಗಲಿ, ಜೆಡಿಎಸ್ ತಾಲೂಕಾಧ್ಯಕ್ಷ ಪದ್ಮರಾಜ ಪಾಟೀಲ ಆಗ್ರಹಿಸಿದ್ದಾರೆ.
