ನಿಯಂತ್ರಣದಲ್ಲಿಲ್ಲದ ಸಂಚಾರ ವ್ಯವಸ್ಥೆ: ಬಸವೇಶ್ವರ ವೃತ್ತದಲ್ಲಿ, ವೃತ್ತದಿಂದ ಹೊರಹೋಗುವ ನಾಲ್ಕೂ ರಸ್ತೆಗಳಲ್ಲಿ ಸಂಚಾರ ವ್ಯವಸ್ಥೆ ಅನ್ನೋದೆ ಸರಿಯಾಗಿ ಇಲ್ಲ. ಬೇಕಾಬಿಟ್ಟಿ ಬಿಡಾಡಿ ದನಗಳು, ಬೀದಿ ನಾಯಿಗಳು ಸಂಚರಿಸುತ್ತವೆ. ವೃತ್ತದ ಹತ್ತಿರದ ಹೊಟೇಲ್ ಮುಂದೆ ಗ್ರಾಮೀಣ ಪ್ರದೇಶದ ಕೂಲಿ ಕಾರ್ಮಿಕರು ಗುಂಪಾಗಿ ನಿಂತು ಸಂಚಾರ ಸಮಸ್ಯೆ ಬಿಗಡಾಯಿಸಲು ಕಾರಣರಾಗುತ್ತಿದ್ದಾರೆ. ರಸ್ತೆ ಪಕ್ಕದಲ್ಲೇ ಗೂಡಂಗಡಿ, ಡಬ್ಬಾ ಅಂಗಡಿ, ತಳ್ಳು ಗಾಡಿಯಲ್ಲಿ ವ್ಯಾಪಾರಕ್ಕಾಗಿ ಜನ ಮುಗಿಬಿದ್ದಿರುತ್ತಾರೆ. ಬೈಕ್, ಆಟೋ, ಇನ್ನಿತರ ವಾಹನಗಳು ರಸ್ತೆ ಮೇಲೆಯೇ ನಿಂತಿರುತ್ತವೆ. ಇವೆಲ್ಲವೂ ಅಪಘಾತ ಹೆಚ್ಚಲು ಕಾರಣವಾಗಿವೆ. ಇವೆಲ್ಲ ಅವ್ಯವಸ್ಥೆ ಸರಿಪಡಿಸಿ ಸುಗಮ ಸಂಚಾರಕ್ಕೆ ಅವಕಾಶ ಮಾಡಿಕೊಡಬೇಕಾದ ಪುರಸಭೆ, ಪೊಲೀಸ್ ಇಲಾಖೆ ರ್ನಿಲಕ್ಷ ಎದ್ದು ಕಾಣುತ್ತಿದೆ.
