ಜೆಡಿಎಸ್​ನಿಂದ ಸಮೃದ್ಧಿ ಪ್ರಚಾರ : ಇನ್ನೂ ಘೋಷಣೆಯಾಗದ ಕೈ, ಕಮಲ ಅಭ್ಯರ್ಥಿ : ತೆನೆಯಲ್ಲಿ ಭಿನ್ನಮತ ಶಮನಗೊಳಿಸಿ, ಅನ್ಯಪಕ್ಷದವರಿಗೆ ಗಾಳ

ಎ.ಅಪ್ಪಾಜಿಗೌಡ, ಮುಳಬಾಗಿಲು
ಕ್ಷೇತ್ರದಲ್ಲಿ ವಿಧಾನಸಭೆ ಚುನಾವಣೆ ಕಾವು ಏರುತ್ತಿದ್ದು, ಜೆಡಿಎಸ್​, ಸಮೃದ್ಧಿ ವಿ.ಮಂಜುನಾಥ್​ ಅವರನ್ನು ಅಭ್ಯರ್ಥಿಯನ್ನಾಗಿ ೂಷಿಸಿದೆ. ಕಾಂಗ್ರೆಸ್​, ಬಿಜೆಪಿಯಲ್ಲಿ ಇನ್ನೂ ೂಷಣೆ ಮಾಡಿಲ್ಲ. ಜೆಡಿಎಸ್​ನಲ್ಲಿ ಅತೃಪ್ತಿ ನಡುವೆಯೂ ಅಬ್ಬರದ ಪ್ರಚಾರ ಮುಂದುವರಿದಿದೆ.
ಸಮೃದ್ಧಿ ವಿ.ಮಂಜುನಾಥ್​ ನೇತೃತ್ವದಲ್ಲಿ ತಾಲೂಕು ಜೆಡಿಎಸ್​ ಅಧ್ಯಕ್ಷ ಕಾಡೇನಹಳ್ಳಿ ಕೆ.ಎನ್​.ನಾಗರಾಜ್​, ಪ್ರಧಾನ ಕಾರ್ಯದರ್ಶಿ ನಲ್ಲೂರು ರುಪತಿರೆಡ್ಡಿ, ವಕ್ತಾರ ಎಂ.ಎಸ್​.ಶ್ರೀನಿವಾಸರೆಡ್ಡಿ, ನಗರಸಭೆ ಮಾಜಿ ಅಧ್ಯಕ್ಷ ಎಂ.ಆರ್​.ಮುರಳಿ, ಜಿಪಂ ಮಾಜಿ ಸದಸ್ಯ ಬಿ.ವಿ.ಸಾಮೇಗೌಡ, ತಾಪಂ ಮಾಜಿ ಸದಸ್ಯ ಡಾ.ಸಿ.ಎನ್​.ಪ್ರಕಾಶ್​ ನೇತೃತ್ವದಲ್ಲಿ ಜೆಡಿಎಸ್​ ಮುಖಂಡರು ಬ್ಯಾಟಿಂಗ್​ ಮಾಡುತ್ತಿದ್ದಾರೆ. ಎದುರಾಳಿ ತಂಡಗಳು ಫೀಲ್ಡ್​ಗೆ ಇಳಿಯದೆ ಅಭ್ಯಾಸ ಪಂದ್ಯಗಳನ್ನು ಆಡಿಕೊಳ್ಳುತ್ತಿರುವುದರಿಂದ ೇತ್ರದಲ್ಲಿ
ರೋಚಕತೆ ಕಂಡು ಬರುತ್ತಿಲ್ಲ.
ಜೆಡಿಎಸ್​ ಮಾಜಿ ಅಧ್ಯಕ್ಷ ಅಲಂಗೂರು ಶಿವಣ್ಣ, ನಗರ ಟಕ ಅಧ್ಯಕ್ಷ ಟಿ.ಎಚ್​.ತೇಜೋರಮಣ, ಮುಖಂಡರಾದ ಡಾ.ವಜಾಯಿತುಲ್ಲಾ ಖಾನ್​, ಜಿ.ನಾಗರಾಜು, ಸನ್ಯಾಸನಹಳ್ಳಿ ತಿಮ್ಮರಾಜು, ಗೊಲ್ಲಹಳ್ಳಿ ಸತೀಶ್​, ನಾಗರಾಜ್​, ಸೇರಿದಂತೆ ಹಲವರು ಸಮೃದ್ಧಿ ಬಗ್ಗೆ ಮುನಿಸಿಕೊಂಡಿದ್ದಾರೆ. ಈ ಗುಂಪನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳಲು ಸಮೃದ್ಧಿ ತಂಡ 2&3 ಬಾರಿ ಪ್ರಯತ್ನ ಮಾಡಿದ್ದು, ಅದು ಮುಂದುವರಿದಿದೆ. ಮಾಜಿ ಸಿಎಂ ಎಚ್​.ಡಿ.ಕುಮಾರಸ್ವಾಮಿ ಮೂಲಕ ಸಮಸ್ಯೆ ಬಗೆಹರಿಸುವ ಪ್ರಯತ್ನಗಳು ನಡೆಯುತ್ತಿದೆ.

ಕೆಎಚ್​ ನಿಷ್ಠರಿಗೆ ಮಣೆ: ಜೆಡಿಎಸ್​ನಿಂದ ಶಿವಣ್ಣ ತಂಡ ಹೊರಹೋದರೆ ಹೆಚ್ಚುವರಿಯಾಗಿ ಆ ಮತಗಳ ಕ್ರೋಡಿಕರಣಕ್ಕೆ ಸಮೃದ್ಧಿ ತಂಡ ಕಾರ್ಯಾಚರಣೆ ಮಾಡುತ್ತಿದೆ. ಶಾಸಕ ಎಚ್​.ನಾಗೇಶ್​ ಬಲಗೈ ಬಂಟ ಬ್ಲಾಕ್​ ಕಾಂಗ್ರೆಸ್​ ಮಾಜಿ ಅಧ್ಯಕ್ಷ ಎಚ್​.ಗೊಲ್ಲಹಳ್ಳಿ ಜಗದೀಶ್​ ಅವರನ್ನು ಜೆಡಿಎಸ್​ಗೆ ಸೇರ್ಪಡೆ ಮಾಡಿಕೊಂಡಿದ್ದು ಮುಂದುವರಿದ ಭಾಗವಾಗಿ ತಾಪಂ ಮಾಜಿ ಅಧ್ಯಕ್ಷ ಎ.ವಿ.ಶ್ರೀನಿವಾಸ್​ ಅವರನ್ನು ಕರೆತರುವ ಸಿದ್ಧತೆಗಳು ನಡೆಯುತ್ತಿವೆ. ಇತ್ತೀಚೆಗೆ ಆವಣಿ ಬ್ಲಾಕ್​ ಕಾಂಗ್ರೆಸ್​ ಅಧ್ಯಕ್ಷರಾಗಿದ್ದ ಆನಂದರೆಡ್ಡಿ ಅವರನ್ನು ಬದಲಾವಣೆ ಮಾಡಿದ್ದು, ಇದರಿಂದ ಬೇಸರಗೊಂಡಿರುವ ರೆಡ್ಡಿ ಮನೆಗೆ ಸಮೃದ್ಧಿ ನೇತೃತ್ವದ ತಂಡ ಭೇಟಿ ನೀಡಿ ಜಿಪಂ ಮಾಜಿ ಅಧ್ಯೆ ಗೀತಮ್ಮ ಮತ್ತು ಅವರ ಪತಿ ಆನಂದರೆಡ್ಡಿ ಸೇರಿದಂತೆ ಕೆ.ಎಚ್​.ಮುನಿಯಪ್ಪ ಬೆಂಬಲಿಗರನ್ನು ಸೇರಿಸಿಕೊಳ್ಳುವ ಪ್ರಯತ್ನ ಆರಂಭಿಸಿದೆ. ಪೋನ್​ ಮೂಲಕ ಕುಮಾರಸ್ವಾಮಿ ಅವರೊಂದಿಗೆ ಮಾತನಾಡಿಸಿ ಸೂಕ್ತ ಸ್ಥಾನಮಾನ ಮತ್ತು ಜೆಡಿಎಸ್​ ಅಧಿಕಾರಕ್ಕೆ ಬರುವ ಖಚಿತತೆಯ ಭರವಸೆ ನೀಡಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿವೆ.

ಮಾರ್ಚ್​ನಲ್ಲಿ ಕೊತ್ತೂರು ಆರ್ಭಟ: ಕಾಂಗ್ರೆಸ್​ನ ಹುರಿಯಾಳು ಆಗಲು ಮಾಜಿ ಶಾಸಕ ಕೊತ್ತೂರು ಜಿ.ಮಂಜುನಾಥ್​ಗೆ, ಜಾತಿ ಪ್ರಮಾಣ ಪತ್ರ ಅಡ್ಡಿಯಾಗಿದೆ. ಈ ಬಗ್ಗೆ ಡಿಸಿ ವರದಿಯನ್ನು ಪ್ರಶ್ನಿಸಿ ಹೈಕೋರ್ಟ್​ನಲ್ಲಿ ಪ್ರಶ್ನೆ ಮಾಡಿದ್ದು, ಚುನಾವಣೆ ವೇಳೆಗೆ ಜಾತಿ ಪ್ರಮಾಣ ಪತ್ರ ಸಿಕ್ಕರೆ ಜಿದ್ದಾಜಿದ್ದಿ ಪೈಪೋಟಿ ಖಚಿತವಾಗಲಿದೆ. ಕೊತ್ತೂರು ಬ್ಯಾಟಿಂಗ್​ ಆರ್ಭಟ ಮಾರ್ಚ್​ನಲ್ಲಿ ಆರಂಭವಾಗಬಹುದು ಎಂಬ ಲೆಕ್ಕಾಚಾರವಿದೆ. ಕಳೆದ ಬಾರಿ ಪೇತರ ಅಭ್ಯರ್ಥಿಯಾಗಿದ್ದ ಎಚ್​.ನಾಗೇಶ್​ಗೆ ಅವರನ್ನು ಗೆಲ್ಲಿಸಲು ಯಶಸ್ವಿಯಾಗಿದ್ದರು. ಸಮೃದ್ಧಿ ವಿ.ಮಂಜುನಾಥ್​ 7 ಸಾವಿರ ಮತಗಳ ಅಂತರದಿಂದ ಸೋತಿದ್ದರು. ಅಂದಿನಿಂದ ೇತ್ರದಲ್ಲಿ ನಿರಂತರವಾಗಿ ಕಾರ್ಯಕರ್ತರ ಸಂಪರ್ಕದೊಂದಿಗೆ ಜೆಡಿಎಸ್​ನ ಮುಂಚೂಣಿ ನಾಯಕರಾಗಿ ಹೊರಹೊಮ್ಮಿದ್ದು ಸ್ಥಳಿಯ ಮುಖಂಡರಲ್ಲಿನ ಗೊಂದಲ ಹೋಗಲಾಡಿಸಲು ಹೆಣಗಾಡುತ್ತಿದ್ದಾರೆ.

ತಾಲೂಕಿನಲ್ಲಿ ಹದಗೆಟ್ಟಿರುವ ಆಡಳಿತವನ್ನು ಸರಿದಾರಿಗೆ ತಂದು, ಸೌಲಭ್ಯಗಳನ್ನು ಕಲ್ಪಿಸಲು ಜೆಡಿಎಸ್​ ಆಯ್ಕೆಯಾಗಬೇಕಾಗಿದೆ. ಇಲ್ಲಿ ಶಾಸಕರಾಗುವವರ ಪಕ್ಷ ರಾಜ್ಯದಲ್ಲಿ ಅಧಿಕಾರಕ್ಕೆ ಬರುವುದು ಖಚಿತ. ಎಚ್​.ಡಿ.ಕುಮಾರಸ್ವಾಮಿ 3ನೇ ಬಾರಿ ಸ್ವಂತ ಬಲದ ಮೇಲೆ ಮುಖ್ಯಮಂತ್ರಿಯಾಗಿ ಅಧಿಕಾರಕ್ಕೆ ಬರುವುದು ನಿಶ್ಚಿತ. ಸಮೃದ್ಧಿ ವಿ.ಮಂಜುನಾಥ್​ ಜೆಡಿಎಸ್​ ಅಭ್ಯರ್ಥಿ

ಕಳೆದ ವಾರ ಸಿನಿಗೇನಹಳ್ಳಿ ಮನೆಗೆ ಜೆಡಿಎಸ್​ ಮುಖಂಡರು ಬಂದು ಪಕ್ಷಕ್ಕೆ ಆಹ್ವಾನಿಸಿದ್ದಾರೆ. ನಾವು ನಿಷ್ಠಾವಂತ ಕಾಂಗ್ರೆಸ್ಸಿಗರಾಗಿದ್ದು, ನಮ್ಮನ್ನು ಕನಿಷ್ಠ ವಿಚಾರ ಮಾಡದೆ ಬ್ಲಾಕ್​ ಅಧ್ಯಕ್ಷರ ಬದಲಾವಣೆ ಮಾಡಿರುವುದು ನೋವಿನ ಸಂಗತಿ. ಇದನ್ನು ಗಮನಿಸಿ ಜೆಡಿಎಸ್​ ಆಹ್ವಾನಿಸಿದ್ದು, ಮಾಜಿ ಸಿಎಂ ಎಚ್ಡಿಕೆ ಅವರಿಂದಲೂ ಮಾತನಾಡಿಸಿರುವುದು ನಿಜ. ಅದರೆ ದಿಢೀರ್​ ನಿರ್ಧಾರ ಸಾಧ್ಯವಿಲ್ಲ. ಬದಲಾವಣೆ ರಾಜಕೀಯದಲ್ಲಿ ಸಾಮಾನ್ಯ. ಜಿ.ಆನಂದರೆಡ್ಡಿ ಆವಣಿ ಬ್ಲಾಕ್​ ಕಾಂಗ್ರೆಸ್​ ನಿಕಟಪೂರ್ವ ಅಧ್ಯಕ್ಷ

ಜೆಡಿಎಸ್​ ಮುಖಂಡರು ಪಕ್ಷಕ್ಕೆ ಆಹ್ವಾನಿಸಿದ್ದಾರೆ. ಬೆಂಬಲಿಗರೊಂದಿಗೆ ಸಭೆ ನಡೆಸಿ ರಾಜಕೀಯ ಆಗು&ಹೋಗುಗಳನ್ನು ಗಮನಿಸಿ ಸೂಕ್ತ ನಿರ್ಧಾರ ತೆಗೆದುಕೊಳ್ಳಲಾಗುವುದು. ಸದ್ಯಕ್ಕೆ ತಟಸ್ಥನಾಗಿದ್ದೇನೆ. ಹಿಂದುಳಿದ ವರ್ಗದವರು ರಾಜಕೀಯವಾಗಿ ಬೆಳೆಯಲು ಅಷ್ಟು ಸುಲಭವಾಗಿ ಬಿಡುವುದು ಕಷ್ಟ ಸಾಧ್ಯವಾಗಿದೆ. ಎ.ವಿ.ಶ್ರೀನಿವಾಸ್​ ತಾಪಂ ಮಾಜಿ ಅಧ್ಯಕ್ಷ