ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ ಹಳ್ಳಿಮೈಸೂರು ಹೋಬಳಿ ಶ್ರವಣೂರಿನಿಂದ ಆರಂಭವಾಗುವ ಪಂಚರತ್ನ ರಥಯಾತ್ರೆ ಹಳ್ಳಿಮೈಸೂರು, ಕೇರಳಾಪುರ, ಬಸವಾಪಟ್ಟಣ, ಕೊಣನೂರು ಮಾರ್ಗವಾಗಿ ಅರಕಲಗೂಡು ಪಟ್ಟಣಕ್ಕೆ ಆಗಮಿಸಲಿದೆ. ರಥಯಾತ್ರೆ ಸಂಚರಿಸುವ ಮಾರ್ಗದಲ್ಲಿ ಕಾರ್ಯಕರ್ತರು ಎಚ್.ಡಿ. ಕುಮಾರಸ್ವಾಮಿಗೆ ಅದ್ದೂರಿ ಸ್ವಾಗತ ಕೋರುವ ಮೂಲಕ ಶ್ರವಣೂರಿನಲ್ಲಿ ಕಂಬಳಿ ಹಾರ, ಕೇರಳಾಪುರದಲ್ಲಿ ಬೃಹತ್ ಹೂವಿನ ಹಾರ, ರಾಮನಾಥಪುರದಲ್ಲಿ ಹೊಗೆಸೊಪ್ಪು ಹಾರ, ಕೊಣನೂರಿನಲಿ ಅಡಕೆ ಹಾರ, ಮಲ್ಲಿಪಟ್ಟಣದಲ್ಲಿ ಅತೀ ಉದ್ದದ ಕಾಳುಮೆಣಸು ಹಾರ ಹಾಗೂ ಪಟ್ಟಣದಲ್ಲಿ ಆಲೂಗಡ್ಡೆ ಹಾರ ಹಾಕಿ ಅಭಿಮಾನ ಮೆರೆಯಲು ಸಜ್ಜುಗೊಂಡಿದ್ದಾರೆ.
ಮಾಜಿ ಸಚಿವರಾದ ಬಂಡೆಪ್ಪ ಕಾಶೆಂಪೂರ್, ಎಚ್.ಡಿ.ರೇವಣ್ಣ, ಸಂಸದ ಪ್ರಜ್ವಲ್ ರೇವಣ್ಣ ಮುಂತಾದ ಪ್ರಮುಖರು ಭಾಗವಹಿಸಲಿದ್ದಾರೆ. ಪಟ್ಟಣದಲ್ಲಿ ಸಮಾವೇಶ ಮುಗಿದ ನಂತರ ಎಚ್.ಡಿ. ಕುಮಾರಸ್ವಾಮಿ ಅವರು ಗುರುವಾರ ಸಂಜೆ ಹುಲಿಕಲ್ ಗ್ರಾಮದಲ್ಲಿ ವಾಸ್ತವ್ಯ ಹೂಡಲಿದ್ದಾರೆ. ಜನರೊಂದಿಗೆ ಚರ್ಚೆ ನಡೆಸಿ ಕಾರ್ಯಕರ್ತರ ಆಹವಾಲು ಆಲಿಸುವರು. ಮಾ. 17ರಂದು ಬೆಳಗ್ಗೆ ಮಲ್ಲಿಪಟ್ಟಣ ಮಾರ್ಗವಾಗಿ ರಥಯಾತ್ರೆ ಸಕಲೇಶಪುರ ತಾಲೂಕಿಗೆ ತೆರಳಲಿದೆ.
