ಪಾವಗಡ: ಜೂಜು ಅಡ್ಡೆ ಮೇಲೆ ಅರಸೀಕೆರೆ ಪೊಲೀಸರು ದಾಳಿ ನಡೆಸಿ ಎಂಟು ಜನರನ್ನು ಬಂಧಿಸಿ, ನಗದನ್ನು ವಶಪಡಿಸಿಕೊಂಡಿದ್ದಾರೆ. ತಾಲೂಕಿನ ಅರಸೀಕೆರೆ ಪೊಲೀಸ್ ಠಾಣೆ ವ್ಯಾಪ್ತಿಯ ಸಾಸಲುಕುಂಟೆ ಗ್ರಾಮದ ಕರ್ನಾಟಕ- ಆಂದ್ರ ಗಡಿ ಭಾಗದಲ್ಲಿ ಕುಂದುರ್ಪಿ ಇಸ್ಮಾಯಿಲ್, ವೆಂಕಟಮ್ಮನಹಳ್ಳಿ ರಾಮಲಿಂಗಪ್ಪ, ಲಿಮಗದಹಳ್ಳಿ ಈರಲಿಂಗ ರೆಡ್ಡಿ ಸೇರಿ ಎಂಟು ಜನರನ್ನು ಬಂಧಿಸಿ ಇವರಿಂದ 17.500 ರೂಪಾಯಿ ವಶಪಡಿಸಿಕೊಳ್ಳಲಾಗಿದೆ. ಸಾಸಲುಕುಂಟೆ ಗ್ರಾಮದ ಆಸುಪಾಸಿನಲ್ಲಿ 8-&10 ಮಂದಿ ಜೂಜು ಆಡುತ್ತಿದ್ದಾರೆ ಎಂಬ ಮಾಹಿತಿ ಮೇರೆಗೆ ಮಧುಗಿರಿ ಡಿವೈಎಸ್ಪಿ ರಾಮಕೃಷ್ಣಪ್ಪ, ಪಾವಗಡ ಗ್ರಾಮಾಂತರ ಸಿಪಿಐ ಗಿರೀಶ್ ಮಾರ್ಗದರ್ಶನದಂತೆ ಅರಸೀಕೆರೆ ಪೊಲೀಸರು ಠಾಣೆಯ ಸಬ್ ಇನ್ಸ್ಪೆಕ್ಟರ್ ತಾರಾಸಿಂಗ್, ರಾಜೇಂದ್ರ ಮತ್ತು ಸಿಬ್ಬಂದಿ ಶೌಕತ್, ಜಗನಾಥ್, ದಾವೆಲ್, ಸಂದೇಶ್ ದಾಳಿ ನಡೆಸಿದ್ದಾರೆ.
