ಜೂಜಾಡುತ್ತಿದ್ದ 7 ಮಂದಿ ಬಂಧನ

ಪಾವಗಡ:- ತಾಲೂಕಿನ ಶೈಲಾಪುರ ಹಾಗೂ ಆಂದ್ರ- ಕರ್ನಾಟಕ ಗಡಿ ಪ್ರದೇಶ ಸಾಸಲಕುಂಟೆ ಗ್ರಾಮದ ಹೊರವಲದಲ್ಲಿ ಇಸ್ಪೀಟ್​ ಅಡ್ಡೆ ಮೇಲೆ ಪೊಲೀಸರು ದಾಳಿ ನಡೆಸಿ 7 ಜನ ಜೂಜು ಕೋರರನ್ನು ಬಂಧಿಸಿದ್ದಾರೆ. ಶುಕ್ರವಾರ ವೈ.ಎನ್​.ಹೊಸಕೋಟೆ ಹೋಬಳಿಯ ಸಾಸಲಕುಂಟೆ ಬಳಿಯ ಜೂಜು ಆಡುತ್ತಿರುವ ಬಗ್ಗೆ ಬಂದ ಖಚಿತ ಮಾಹಿತಿ ಮೇರೆಗೆ ಪೊಲೀಸರು ದಾಳಿ ಮಾಡಿ 11 ಬೈಕ್​ ಹಾಗೂ 6,500 ರೂ. ವಶ ಪಡಿಸಿಕೊಂಡಿದ್ದಾರೆ. ಪೊಲೀಸರನ್ನು ನೋಡಿ ತಪ್ಪಿಸಿಕೊಳ್ಳುವ ಭರದಲ್ಲಿ ಓರ್ವ ಹಳ್ಳಕ್ಕೆ ಬಿದ್ದು ಎರಡು ಕೈಗಳು ಮುರಿದಿದ್ದು, ಆತನಿಗೆ ಚಿತ್ರದುರ್ಗ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ

ಎಂಬುದಾಗಿ ಮಾಹಿತಿ ತಿಳಿದು ಬಂದಿದೆ. ದಾಳಿ ವೇಳೆ ವಶಪಡಿಸಿಕೊಂಡ ಬೈಕ್​ಗಳನ್ನು ದಾರಿ ಮಧ್ಯೆ ಪೊಲೀಸರು ಜೂಜುಕೋರರಿಗೆ ಶಾಮಿಲಾಗಿ ಬಿಟ್ಟು ಕಳುಹಿಸಿದ್ದಾರೆಂಬ ವಿಷಯ ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದ್ದು, ಸಾರ್ವಜನಿಕರ ಆಕ್ರೋಶಕ್ಕೂ ಕಾರಣವಾಗಿದೆ.