ಜೀವ ಇರುವವರೆಗೂ ಪಕ್ಷ ಬಿಡಲ್ಲ : ಕಾಂಗ್ರೆಸ್​ ಭವನಕ್ಕೆ ಶಾಸಕ ಡಾ.ಜಿ.ಪರಮೇಶ್ವರ ಅವರಿಂದ ಶಂಕುಸ್ಥಾಪನೆ

ಕೊರಟಗೆರೆ: ಬಾಲ್ಯದಿಂದಲೇ ಕಾಂಗ್ರೆಸ್​ ಸಿದ್ಧಾಂತ ಮೌಲ್ಯ, ಹೋರಾಟಗಾರರ ಪ್ರಭಾವವನ್ನು ನನ್ನ ತಂದೆ ಮೂಲಕ ಮೈಗೂಡಿಸಿಕೊಂಡು ಬಂದಿದ್ದೇನೆ. ನಾನು ಬಿಜೆಪಿ ಸೇರುತ್ತೇನೆ ಎನ್ನುವುದು ಹಾಸ್ಯಾಸ್ಪದ ಎಂದು ಶಾಸಕ ಡಾ.ಜಿ.ಪರಮೇಶ್ವರ ತಿಳಿಸಿದರು.

ಪಟ್ಟಣ ಹೊರವಲಯದಲ್ಲಿರುವ ಹನುಮಂತಪುರ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಪಕ್ಕದಲ್ಲಿ ನೂತನವಾಗಿ ನಿರ್ಮಾಣಗೊಂಡ ಕಾಂಗ್ರೆಸ್​ ಭವನಕ್ಕೆ ಶಂಕುಸ್ಥಾಪನೆ ನೆರವೇರಿಸಿ ಮಾತನಾಡಿದರು.

ನಾನೊಬ್ಬ ಸಾಮಾನ್ಯ ಕಾರ್ಯಕರ್ತನಾಗಿ ಪದಲ್ಲಿ ಗುರುತಿಸಿಕೊಂಡಿದ್ದೇನೆ. ಸಾಮರ್ಥ್ಯಕ್ಕೆ ಅನುಗುಣವಾಗಿ ಪಕ್ಷ ನನಗೆ ಎಲ್ಲವನ್ನೂ ನೀಡುತ್ತಾ ಬಂದಿದೆ. ಯಾವುದೇ ಕಾರಣಕ್ಕೂ ಅಧಿಕಾರ ಅಥವಾ ಆಮಿಷಕ್ಕೊಳಗಾಗಿ ಪ ಬಿಡುವ ಸಂದರ್ಭವೇ ಇಲ್ಲ. ನನ್ನ ಜೀವವಿರುವವರೆಗೂ ಕಾಂಗ್ರೆಸ್ಸಿಗನಾಗಿಯೇ ಇರುತ್ತೇನೆ ಎಂದರು.

ದೇಶದಲ್ಲಿ ಕಾಂಗ್ರೆಸ್​ ಜನರನ್ನು ಒಂದುಗೂಡಿಸಿ ಸಮಾನತೆ ಭಾವ ಮೂಡಿಸುತ್ತಿದೆ. ರೈತರಿಗೆ ನೀರಾವರಿ ಯೋಜನೆ ತರುವ ಮೂಲಕ ಬಡತನ ನಿಮೂರ್ಲನೆಗೆ ಪರಿಶ್ರಮಿಸುತ್ತಿದೆ. ದೇಶಕ್ಕಾಗಿ ಇಂದಿರಾ ಗಾಂಧಿ, ರಾಜೀವ್​ ಗಾಂಧಿ ಪ್ರಾಣ ತ್ಯಾಗ ಮಾಡಿದ್ದಾರೆ. ಆದರೆ ಬಿಜೆಪಿ ದೇಶದಲ್ಲಿ ಕೋಮುಗಳ ಮಧ್ಯೆ ವಿಷಬೀಜ ಬಿತ್ತುತ್ತಿದೆ ಎಂದು ಹೇಳಿದರು.

ಭ್ರಷ್ಟ ಸರ್ಕಾರ: ರಾಜ್ಯ ಸರ್ಕಾರವು ಇತಿಹಾಸ ತಿರುಚಿ ಪಠ್ಯ ಪುಸ್ತಕವನ್ನು ಶಾಲಾ ಮಕ್ಕಳಿಗೆ ಒದಗಿಸುವ ಹುನ್ನಾರ ಮಾಡುತ್ತಿದೆ. ಅಂಬೇಡ್ಕರ್​, ಬಸವಣ್ಣ ಹಾಗೂ ಕುವೆಂಪು ಅವರ ಜೀವನ ಚರಿತ್ರೆ ತಿರುಚಲಾಗಿದೆ ಎನ್ನುವ ಆಪಾದನೆ ಇದ್ದರೂ ಕೆಲವರ ಒತ್ತಡಕ್ಕೆ ಸರ್ಕಾರ ಮಣಿಯುತ್ತಿದೆ ಎಂದು ಹೇಳಿದರು. ರಾಜ್ಯ ಗುತ್ತಿಗೆದಾರರ ಸಂದ ಅಧ್ಯಕ್ಷ, ಸರ್ಕಾರ ಮೇಲೆ ಶೇ.40 ಕಮಿಷನ್​ ಆರೋಪ ಮಾಡಿದರೂ ಅದಕ್ಕೆ ಸ್ಪಷ್ಟನೆ ನೀಡಿಲ್ಲ. ಜನರ ದಿನಬಳಕೆ ವಸ್ತುಗಳ ಬೆಲೆ ಗಗನಕ್ಕೇರಿದ್ದು ಬಡಜನರಿಗೆ ತೊಂದರೆಯಾಗಿದೆ. ಕೃಷಿ ಉತ್ಪನ್ನಗಳ ಬೆಲೆ ದುಬಾರಿ ಮಾಡಿದೆ. ರಾಜ್ಯ ಬಿಜೆಪಿ ಸರ್ಕಾರ ದೇಶದಲ್ಲಿಯೇ ನಂ.1 ಭ್ರಷ್ಟ ಸರ್ಕಾರ ಎಂದು ಆರೋಪಿಸಿದರು.

8 ಗುಂಟೆ ಭೂಮಿ ದಾನ: ಕೊರಟಗೆರೆ ವಿಧಾನಸಭೆ ೇತ್ರಕ್ಕೆ ಸ್ವಂತ ಕಾಂಗ್ರೆಸ್​ ಭವನ ನಿರ್ಮಿಸಲು ಸೋಮವಾರ ಅಡಿಗಲ್ಲು ಹಾಕಲಾಗಿದೆ. ನಿರ್ಮಾಣಕ್ಕೆ 8 ಗುಂಟೆ ಭೂಮಿಯನ್ನು ಪಟ್ಟಣದ ಉದ್ಯಮಿ ಎಚ್​.ಮಹದೇವ್​ ದಾನವಾಗಿ ನೀಡಿದ್ದಾರೆ. ಅವರಿಗೆ ಪದ ಅಭಾರಿಯಾಗಿದೆ. ಕಟ್ಟಡ ನಿರ್ಮಾಣಕ್ಕೆ ಪ್ರತಿಯೊಬ್ಬ ಕಾರ್ಯಕರ್ತ ಮುಖಂಡ ಸಾರ್ವಜನಿಕರಿಂದ 1 ರೂ. ಯಿಂದ ಅವರ ಶಕ್ತಿ ಅನುಸಾರ ದೇಣಿಗೆ ಪಡೆಯಲಾಗುತ್ತಿದೆ. ಭವನ ಒಬ್ಬರಿಗೆ ಸೀಮಿತವಾಗದೆ ಪದ ಕಾರ್ಯಕರ್ತರಿಗೆ ಬಳಕೆಗೆ ಸಿಗಬೇಕು. ಅರಕೆರೆ ಶಂಕರ್​, ಮಹಿಳಾ ಅಧ್ಯರಾದ ಜಯಮ್ಮ, ಶೈಲಜಾ, ಜಿಲ್ಲಾ ಕಾರ್ಯದರ್ಶಿ ಕವಿತಾ, ಯುವ ಅಧ್ಯ ವಿನಯ್​ ಕುಮಾರ್​, ಜಿಪಂ ಮಾಜಿ ಸದಸ್ಯ ಟಿ.ಡಿ.ಪ್ರಸನ್ನಕುಮಾರ್​, ಪಪಂ ಸದಸ್ಯ ಎ.ಡಿ.ಬಲರಾಮಯ್ಯ, ಕೆ.ಆರ್​. ಓಬಳರಾಜು, ವಡ್ಡಗೆರೆ ಗ್ರಾಪಂ ಅಧ್ಯ ವಸಂತಕುಮಾರ್​, ಮುಖಂಡರಾದ ಎಚ್​.ಮಹದೇವ್​, ಎಂಎನ್​ಜೆ ಮಂಜುನಾಥ್​, ಬೈರಪ್ಪ, ವಾಲ ಚಂದ್ರಯ್ಯ, ಚಿಕ್ಕರಂಗಯ್ಯ ಕೆಂಚಮಾರಯ್ಯ ಇದ್ದರು.