ಮೈಕ್ರೋ ಫೈನಾನ್ಸ್ ಸಂಸ್ಥೆಗಳು ಸಾಲಗಾರರಿಂದ ಯಾವುದೇ ಭದ್ರತೆ ಪಡೆಯುವಂತಿಲ್ಲ ಎಂದು ಆದೇಶಿಸಲಾಗಿದೆ. ಗ್ರಾಹಕರು/ಸಾಲ ಪಡೆಯುವವರಿಗೆ ವಿಧಿಸುವ ಬಡ್ಡಿ ದರದ ಬಗ್ಗೆ ಪಾರದರ್ಶಕವಾಗಿ ಲಿಖಿತ ರೂಪದಲ್ಲಿ ತಿಳಿಸುವಂತೆ ಆದೇಶದಲ್ಲಿ ವಿವರಿಸಲಾಗಿದೆ. ಡಿಜಿಟಲ್ ಸ್ವರೂಪದ ಸಾಲಗಳೂ ಸಹ ಈ ಕಾಯ್ದೆಯಡಿ ಬರುತ್ತವೆ. ಸಾಲಗಾರರಿಗೆ ಒತ್ತಡ ಹೇರುವುದು, ತಡೆ ಒಡ್ಡುವುದು, ಹಿಂಸೆ, ಅವಮಾನ, ಬೆದರಿಕೆ, ಹಿಂಬಾಲಿಸುವುದು, ಕೆಲಸದ ಸ್ಥಳಕ್ಕೆ ಭೇಟಿ ನೀಡುವುದು, ಕ್ರಿಮಿನಲ್ ಹಿನ್ನಲೆಯುಳ್ಳ ವ್ಯಕ್ತಿಗಳನ್ನು ಸಾಲ ವಸೂಲಿಗಾಗಿ ಬಳಸಿಕೊಳ್ಳುವುದು, ಈ ರೀತಿಯ ಕ್ರಮ ಅನುಸರಿಸಿ ಸಾಲ ವಸೂಲಾತಿಗೆ ಮುಂದಾದರೆ ಕಾಯ್ದೆ ಅನುಸಾರ ಕಠಿಣ ಶಿಕ್ಷೆ ಹಾಗೂ ದಂಡಕ್ಕೆ ಗುರಿಯಾಗಬೇಕಾಗುತ್ತದೆ ಎಂದು ಎಚ್ಚರಿಸಿದರು.
