ಬನ್ನೇರುಘಟ್ಟಕ್ಕೂ ಹಬ್ಬುವ ಭೀತಿ: ಬನ್ನೇರುಘಟ್ಟ ಜೈವಿಕ ಉದ್ಯಾನದ ಸಸ್ಯಾಹಾರಿ ಸಾರಿ ಹಕ್ಕಿಪಿಕ್ಕಿ ಕಾಲನಿಗೆ ಹೊಂದಿಕೊಂಡಂತೆ ಇದೆ. ಹಕ್ಕಿಪಿಕ್ಕಿ ಗ್ರಾಮಸ್ಥರು ಜಾನುವಾರುಗಳನ್ನು ಮೇಯಿಸಲು ಬನ್ನೇರುಘಟ್ಟ ಅರಣ್ಯದ ಆಸುಪಾಸಿನಲ್ಲಿ ಬಿಡುತ್ತಾರೆ. ಇದರಿಂದಾಗಿ ಅಕ್ಕಪಕ್ಕದ ಗ್ರಾಮಗಳಲ್ಲದೆ, ಬನ್ನೇರುಘಟ್ಟ ಜೈವಿಕ ಉದ್ಯಾನದ ಪ್ರಾಣಿಗಳಿಗೂ ಕಾಲು ಬಾಯಿ ಸಾಂಕ್ರಾಮಿಕ ಹಬ್ಬುವ ಭೀತಿ ಉಂಟಾಗಿದೆ. ಒಂದು ವೇಳೆ ಅಲ್ಲಿರುವ ಪ್ರಾಣಿಗಳಿಗೆ ರೋಗ ಹಬ್ಬಿದರೆ, ವನ್ಯಜೀವಿಗಳು ಬಲಿಯಾಗುವ ಭೀತಿ ಇದೆ. ಈ ಹಿಂದೆ ಕೂಡ ಹಕ್ಕಿಪಿಕ್ಕಿ ಕಾಲನಿಯಲ್ಲಿ ಕಾಲು ಬಾಯಿ ರೋಗ ಕಂಡುಬಂದಾಗ ಜೈವಿಕ ಉದ್ಯಾನದ ಹಲವು ಪ್ರಾಣಿಗಳು ಏಕಾಏಕಿ ಸತ್ತಿದ್ದವು. ಹಾಗಾಗಿ, ಪಶುವೈದ್ಯರು ಕೂಡಲೇ ಕಾಲು ಬಾಯಿ ಸಾಂಕ್ರಾಮಿಕ ನಿಯಂತ್ರಣಕ್ಕೆ ಅಗತ್ಯ ಕ್ರಮ ಕೈಗೊಳ್ಳಬೇಕಾಗಿದೆ.
