ಕರ್ನಾಟಕ ಜಾನಪದ ಪರಿಷತ್ ಜಿಲ್ಲಾಧ್ಯಕ್ಷ ಜಿ.ಬಿ.ಸುರೇಶ್ ಮಾತನಾಡಿ, ಜನಪದ ಸಾಹಿತ್ಯ ಜನವಾಣಿಯ ಬೇರು. ಕವಿವಾಣಿಯ ಹೂವು. ಹಳೇ ಬೇರು, ಹೊಸ ಚಿಗುರು ಮರ ಸೊಬಗು ಎಂಬಂತೆ ಆಧುನಿಕ ಸಂಗೀತ, ಸಾಹಿತ್ಯ, ಕಲೆಯ ಮೂಲ ನೆಲೆಗಟ್ಟು ಜನಪದವಾಗಿದೆ. ಸ್ವಸ್ಥ ಸಮಾಜ ಕಾಣಬೇಕಿದ್ದರೆ ಜನಪದ ಸಂಸ್ಕೃತಿ ಹಾಗೂ ಕಲೆ ಅತಿ ಅಗತ್ಯ. ಮಾನವೀಯ ಸಂಬಂಧಗಳು, ಸಹಕಾರ ಭಾವನೆ, ಭಾವನಾತ್ಮಕ ಸಂಬಂಧಗಳು ಮುಂತಾದ ಮೌಲ್ಯಾಧಾರಿತ ಗುಣಗಳು ಜಾನಪದ ಸಾಹಿತ್ಯದಲ್ಲಿ ಅಡಗಿದೆ. ಜಾನಪದ ಭಾರತೀಯ ಸಂಸ್ಕೃತಿಯ ಅಡಿಗಲ್ಲು. ಶಾಲಾ ಕಾಲೇಜುಗಳಲ್ಲಿ ಪಠ್ಯಪುಸ್ತಕಗಳ ಮೂಲಕ ಜನಪದ ಮಕ್ಕಳನ್ನು ತಲುಪಬೇಕಿದೆ. ಆಗ ಮಾತ್ರ ಸಮಾಜದಲ್ಲಿ ಆರೋಗ್ಯಕರ ಬೆಳವಣಿಗೆ ನಿರೀಕ್ಷಿಸಲು ಸಾಧ್ಯ ಎಂದರು.
