ಬಿಜೆಪಿ ಜಿಲ್ಲಾ ದಲಿತ ಮೋರ್ಚಾ ಮಾಜಿ ಅಧ್ಯಕ್ಷ ಡಿ.ಮಲ್ಲಿಕಾರ್ಜುನಸ್ವಾಮಿ ಈ ವಿನೂತನ ಪ್ರತಿಭಟನೆ ಮೂಲಕ ಗಮನ ಸೆಳೆದಿದ್ದಾರೆ. ಗ್ರಾಮದ ಕಲುಷಿತ ನೀರು ಬಂದು ಜಮೀನಿಗೆ ನುಗ್ಗಿದ ಪರಿಣಾಮ ಅಲ್ಲೇ ನೀರು ನಿಲುಗಡೆಯಾಗುತ್ತಿದ್ದು, ಯಾವುದೇ ಬೆಳೆ ಬೆಳೆಯಲು ಸಾಧ್ಯವಾಗುತ್ತಿಲ್ಲ. ಮಣ್ಣಿನ ಫಲವತ್ತತೆ ಕಡಿಮೆಯಾಗುತ್ತಿದೆ. ರೈತರು ಸಹ ಜಮೀನಿಗೆ ಕೆಲಸಕ್ಕೆ ಬರಲು ಹಿಂದೇಟು ಹಾಕುತ್ತಾರೆ. ಈ ಹಿಂದೆ ಈ ನೀರು ಉಪ್ಪಿನಮೋಳೆ ಕೆರೆಗೆ ಸೇರುತ್ತಿತ್ತು, ಆದರೆ ಕಾಲುವೆ ಮುಚ್ಚಿದ್ದು, ಇದನ್ನು ದುರಸ್ತಿ ಮಾಡಿಸದೆ ಹಣ ಪಡೆದುಕೊಂಡು ಅಧಿಕಾರಿಗಳು ಸುಮ್ಮನಿದ್ದಾರೆ. ಈ ಬಗ್ಗೆ ಅಂಬಳೆ ಪಿಡಿಒ, ತಾ.ಪಂ. ಇಒ, ಸಂತೇಮರಹಳ್ಳಿ ನೀರಾವರಿ ಇಲಾಖೆ ಇಂಜಿಯರ್ಗಳಿಗೆ ಎಷ್ಟೇ ಮನವಿ ಸಲ್ಲಿಸಿದರೂ ಗಮನ ನೀಡುತ್ತಿಲ್ಲ ಎಂದು ದೂರಿದರು.
