ಇಲ್ಲಿಯ ರ್ಸಟ್ ಹೌಸ್ನಲ್ಲಿ ಗುರುವಾರ ವಿವಿಧ ಇಲಾಖೆ ಅಧಿಕಾರಿಗಳೊಂದಿಗೆ ಕೇಂದ್ರ ಸರ್ಕಾರದ ಅನುದಾನದಲ್ಲಿ ಕೈಗೊಳ್ಳಲಾಗಿರುವ ಕಾಮಗಾರಿಗಳ ಪ್ರಗತಿ ಪರಿಶೀಲನೆ ಸಭೆ ನಡೆಸಿದ ಅವರು, ಪ್ಲೈಓವರ್ ಹಾಗೂ ಹಳೇ ಬಸ್ ನಿಲ್ದಾಣ ಮರು ನಿರ್ವಣದಲ್ಲಿ ಆಗುತ್ತಿರುವ ಲೋಪದೋಷಗಳ ಬಗ್ಗೆ ‘ವಿಜಯವಾಣಿ’ ಮಾಡಿದ್ದ ಸರಣಿ ವರದಿ ಪ್ರಸ್ತಾಪಿಸಿದರು. ಚನ್ನಮ್ಮ ವೃತ್ತದಲ್ಲಿ ಕೇಂದ್ರ ಸರ್ಕಾರದ ಅನುದಾನದಲ್ಲಿ ರಾಷ್ಟ್ರೀಯ ಹೆದ್ದಾರಿ ವಿಭಾಗದವರು ಪ್ಲೈಓವರ್ ನಿರ್ಮಾಣ ಮಾಡುತ್ತಿದ್ದಾರೆ. ಅಂದಾಜು 290 ಕೋಟಿ ರೂ. ಯೋಜನೆ ರೂಪಿಸಿದ್ದು, ಅದರಲ್ಲಿ ಹುಬ್ಬಳ್ಳಿ- ಬೆಂಗಳೂರು ರಸ್ತೆಗೆ (ಪಿಬಿ ರೋಡ್) ಮಾಡಬೇಕಾದ ಫ್ಲೈಓವರ್ ಅನ್ನು ಅನುದಾನ ಕೊರತೆ ಹಿನ್ನೆಲೆಯಲ್ಲಿ ಕೈಬಿಡಲು ನಿರ್ಧರಿಸಲಾಗಿತ್ತು. ಅಂದರೆ ಗದಗ ರಸ್ತೆ, ವಿಜಯಪುರ ರಸ್ತೆ, ಧಾರವಾಡ ಕಡೆಗೆ ಹಾಗೂ ಬೆಂಗಳೂರು ಕಡೆ ಹೀಗೆ ನಾಲ್ಕು ಕಾಲುಗಳಿರುವ ಫ್ಲೈಓವರ್ ನಿರ್ವಣಕ್ಕೆ ಆರಂಭದಲ್ಲಿ ಯೋಜನೆ ಮಾಡಲಾಗಿತ್ತು. ಹಣ ಇಲ್ಲ ಎನ್ನುವ ನೆಪ ಮಾಡಿಕೊಂಡು ಬೆಂಗಳೂರು ಕಡೆ ಹೋಗುವ ಮಾರ್ಗ ಕಟ್ ಮಾಡಲಾಗಿತ್ತು. ಇದರಿಂದ ಫ್ಲೈಓವರ್ ನೋಡುವುದಕ್ಕೆ ಮೂರು ಕಾಲಿನ ಜೀವಿಯಂತಾಗುತ್ತಿತ್ತು. ಇದರಿಂದ ಯೋಜನೆಯೇ ವಿಫಲವಾಗುವ ಸ್ಥಿತಿ ತಲೆದೋರಿತ್ತು. ಈ ಬಗ್ಗೆ ‘ವಿಜಯವಾಣಿ’ ಸಮಗ್ರ ವಿವರದೊಂದಿಗೆ ವರದಿ ಮಾಡಿತ್ತು.
