ಗ್ರಾಪಂ 14ನೇ ಹಣಕಾಸು ಯೋಜನೆಯಡಿ 35,000 ರೂ. ವೆಚ್ಚದಲ್ಲಿ ಗ್ರಾಪಂ ವ್ಯಾಪ್ತಿಯ ಬನಹಟ್ಟಿ, ಮೂಗನೂರ, ಕುರ್ಲಗೇರಿ ಗ್ರಾಮ ಸೇರಿ 1400ಕ್ಕೂ ಅಧಿಕ ಕುಟುಂಬಗಳ ಎಲ್ಲ ಜನರಿಗೂ ಉಚಿತವಾಗಿ ಮಾಸ್ಕ್ ವಿತರಿಸಲು ಸಜ್ಜಾಗಿದೆ. ಇದಕ್ಕಾಗಿ ನಾಲ್ಕೈದು ದಿನಗಳ ಹಿಂದೆ ಅಂಗಡಿಯಿಂದ ಗುಣಮಟ್ಟದ ಕಾಟನ್ ಬಟ್ಟೆ ತಂದಿದ್ದು, ಗ್ರಾಮದ ಅನುಭವಿ ರ್ದಜಿ (ಟೇಲರ್)ಗಳಾದ ಮಲ್ಲಿಕಾರ್ಜುನ ಹತ್ತಿಕಾಳ, ಫಕೀರಪ್ಪ ಉಳ್ಳಾಗಡ್ಡಿ, ಶೇಖರಯ್ಯ ಕುವತ್ತಿಮಠ, ಚಂದ್ರು ಅವರಿಂದ ಮಾಸ್ಕ್ಗಳನ್ನು ತಯಾರಿಸುತ್ತಿದ್ದಾರೆ. ಸುಮಾರು 5000 ಮಾಸ್ಕ್ಗಳನ್ನು ತಯಾರಿಸಿ ಏ. 16ರಿಂದ ಪ್ರತಿ ಮನೆ-ಮನೆಗೆ ವಿತರಿಸುವ ಗುರಿ ಹೊಂದಿದ್ದೇವೆ ಎಂದು ಗ್ರಾಪಂ ಅಭಿವೃದ್ಧಿ ಅಧಿಕಾರಿ ಕೆ.ಎಸ್. ಹಾದಿಮನಿ ತಿಳಿಸಿದರು.
