ಕಲಬುರಗಿ: ನಗರ ರಹತಾಬಾದ್ ಪೊಲೀಸ್ ಠಾಣೆ ವ್ಯಾಪ್ತಿಯ ನಡುವಿನ ಹಳ್ಳಿ ಗ್ರಾಮದ ರೂಢಿಗತ ಅಪರಾಧಿ, ಗ್ರಾಮ ಪಂಚಾಯಿತಿ ಸದಸ್ಯ ಮರಲಿಂಗ ಮಲ್ಲಾಬಾದಿ (೪೧)ಯನ್ನು ರಾಯಚೂರು ಜಿಲ್ಲೆಯ ಪಶ್ಚಿಮ ಪೊಲೀಸ್ ಠಾಣೆ ವ್ಯಾಪ್ತಿಗೆ ಗಡಿಪಾರು ಮಾಡಲಾಗಿದೆ. ೨೦೧೦ರಿಂದ ೨೪ರವರೆಗೆ ಐಪಿಸಿ ಪ್ರಕಾರ ಐದು ಪ್ರಕರಣ, ಬಿಎನ್ಎಸ್ ಪ್ರಕಾರ ಮೂರು ಸೇರಿ ಒಟ್ಟು ಎಂಟು ಪ್ರಕರಣ ರಹತಾಬಾದ್ ಪೊಲೀಸ್ ಠಾಣೆಯಲ್ಲಿ ಈತನ ವಿರುದ್ಧ ದಾಖಲಾಗಿದ್ದವು. ರೂಢಿಗತ ಅಪರಾಧಿಯಾಗಿದ್ದು, ರೌಡಿ ಶೀಟ್ ಚಾಲ್ತಿಯಲ್ಲಿದೆ. ಈ ವ್ಯಕ್ತಿ ಸರ್ವಜನಿಕರ ಶಾಂತಿ ಮತ್ತು ನೆಮ್ಮದಿಗೆ ಭಂಗ ತಂದು ಕಾನೂನು ಸುವ್ಯವಸ್ಥೆಗೆ ಧಕ್ಕೆ ತರುವ ಪ್ರಕರಣಗಳಲ್ಲಿ ಪ್ರಮುಖ ಆರೋಪಿಯಾಗಿದ್ದು, ಇತನ್ನು ಗಡಿಪಾರು ಮಾಡುವುದು ಸೂಕ್ತ ಎಂದು ನಗರ ಪೊಲೀಸ್ ಆಯುಕ್ತ ಡಾ.ಶರಣಪ್ಪ ಎಸ್.ಡಿ ಅವರ ಮರ್ಗರ್ಶನದಲ್ಲಿ ಪಿಐ ಮಲ್ಲಿಕರ್ಜುನ ಇಕ್ಕಳಕಿ ವರದಿ ಸಲ್ಲಿಸಿದ್ದರು. ವರದಿ ಅನ್ವಯ ಡಿಸಿಪಿ ಕನಿಕಾ ಸಿಕ್ರಿವಾಲ್ ಆದೇಶಿಸಿದ್ದಾರೆ.
