ಗ್ರಾ.ಪಂ.ಸದಸ್ಯರು ಯಾವುದೇ ರಾಜಕೀಯ ಪಕ್ಷದ ಚಿಹ್ನಯಡಿ ಆಯ್ಕೆಯಾಗುವುದಿಲ್ಲ. ಆದರೂ ಚುನಾವಣೆಗೆ ಬೆಂಬಲ, ಅಧಿಕಾರ ಸೇರಿದಂತೆ ನಾನಾ ಲೆಕ್ಕಾಚಾರದಲ್ಲಿ ಲಾಭದಾಯಕ ನಾಯಕರು ಇಲ್ಲವೇ ಪಕ್ಷದ ಕಡೆಗೆ ಗುರುತಿಸಿಕೊಂಡಿರಲಾಗುತ್ತದೆ. ಕಳೆದ ಎರಡೂ ವರೆ ವರ್ಷದಲ್ಲಿ ಸ್ಪಷ್ಟ ಬಹುಮತದ ಸದಸ್ಯರನ್ನು ಹಿಡಿತದಲ್ಲಿಟ್ಟುಕೊಂಡು ಅಧ್ಯಕ್ಷ ಮತ್ತು ಉಪಾಧ್ಯಕ್ಷರು ಗಾದಿಯಿಂದ ಇಳಿಯುತ್ತಿದ್ದಾರೆ. ಮತ್ತೊಂದೆಡೆ ಹೊಸ ಆಕಾಂಕ್ಷಿಗಳು ಅಧಿಕಾರದ ಮೇಲೆ ಕಣ್ಣಿಟ್ಟಿದ್ದಾರೆ. ಇದರಿಂದ ಆಯಾ ಹಂತದಲ್ಲಿ ಗ್ರಾ.ಪಂ.ವಾರು ಬಿರುಸಿನಿಂದ ಸಭೆಗಳು ನಡೆಯುತ್ತಿವೆ. ಚುನಾವಣಾ ದೃಷ್ಟಿಯಿಂದ ರಾಜಕೀಯವಾಗಿ ಮತ್ತಷ್ಟು ಸಕ್ರಿಯವಾಗಿರುವ ಸದಸ್ಯರು ಈಗಲೇ ಗ್ರಾ.ಪಂ.ಗಳನ್ನು ಹಿಡಿದುಕೊಳ್ಳಲು ಪೂರಕವಾದ ವಾತಾವರಣವನ್ನು ನಿರ್ಮಿಸಿಕೊಳ್ಳಲು ಕಸರತ್ತು ನಡೆಸುತ್ತಿದ್ದಾರೆ. ಇದರ ಭಾಗವಾಗಿ ಸನ್ಮಾನ, ಭೋಜನ ಕೂಟವು, ಸಿಗುತ್ತಿರುವ ಲಾಭದಾಯಕ ಭರವಸೆಗಳು ಖುಷಿ ಮತ್ತು ಸಂಭ್ರಮಕ್ಕೆ ಕಾರಣವಾಗಿದೆ.
