ಆದಾಯ ತೆರಿಗೆ ಇಲಾಖೆಗಾಗಿ ಆಧಾರ್-ಪಾನ್ ಲಿಂಕ್ ಒಂದೆಡೆಯಾದರೆ, ಶಾಲೆಗಳು ಆರಂಭವಾಗಿರುವ ಹಿನ್ನೆಲೆಯಲ್ಲಿ ಮಕ್ಕಳ ಆಧಾರ್ ಕಾರ್ಡ್ನಲ್ಲಿನ ಕೆಲ ತಿದ್ದುಪಡಿಗೆ ಪೋಷಕರು ಮುಂದಾಗಿರುವುದು ಜನದಟ್ಟಣೆ ಹೆಚ್ಚಾಗಲು ಕಾರಣವಾಗಿದೆ. ಕಳೆದ ಒಂದು ತಿಂಗಳಿಂದ ಜನದಟ್ಟಣೆ ಹೆಚ್ಚಾಗಿದ್ದು, ಶಾಲೆ ಆರಂಭದ ಪೂರ್ವ, ಮೊಬೈಲ್ ನಂಬರ್ ಬದಲಾವಣೆ, ವಿಳಾಸ, ಹೆಸರು, ತಿದ್ದುಪಡಿ ಸೇರಿದಂತೆ ಇತರೆ ಯಾವುದೇ ಕಾರ್ಯಕ್ಕೂ ಎಂದೂ ಇಷ್ಟೊಂದು ಜನರ ಕ್ಯೂ ಇರಲಿಲ್ಲ. ಇದೀಗ ಸರ್ಕಾರದ ಗ್ಯಾರಂಟಿ ಯೋಜನೆಗಳಿಂದಾಗಿ ಆಧಾರ್ ಸೇವಾ ಕೇಂದ್ರಗಳು ಗಿಜಿಗುಡುವಂತಾಗಿವೆ. ಜನದಟ್ಟಣೆ ನಿಯಂತ್ರಣಕ್ಕಾಗಿ ಕೆಲವು ಕೇಂದ್ರಗಳಲ್ಲಿ ಪ್ರತಿ ದಿನ ಟೋಕನ್ ನೀಡುವ ವ್ಯವಸ್ಥೆ ಮಾಡಲಾಗಿದೆ.
