ಗೋದಾಮಿನಲ್ಲೇ ಕೊಳೆಯುತ್ತಿವೆ ಸ್ಯಾನಿಟರಿ ಪ್ಯಾಡ್​ಗಳು: ಆಸ್ಪತ್ರೆ ಆವರಣದಲ್ಲೇ ಮಣ್ಣಾದ ಯೋಜನೆ

ರಾಘವೇಂದ್ರ ದಾಸರಹಳ್ಳಿ ಕೊರಟಗೆರೆ

ಶಾಲಾ&ಕಾಲೇಜುಗಳ ಬಡ ಹೆಣ್ಣು ಮಕ್ಕಳಿಗೆ ವಿತರಣೆಯಾಗಬೇಕಾದ ಸ್ಯಾನಿಟರಿ ಪ್ಯಾಡ್​ಗಳು ಆರೋಗ್ಯ ಇಲಾಖೆ ಅಧಿಕಾರಿಗಳ ರ್ನಿಲಕ್ಷ$್ಯದಿಂದ ಸರ್ಕಾರಿ ಆಸ್ಪತ್ರೆ ಆವರಣದ ಗೋದಾಮಿನಲ್ಲೇ ಧೂಳು ಹಿಡಿಯುತ್ತಿವೆ.

ಆಶಾ ಕಾರ್ಯಕರ್ತೆಯರ ಮೂಲಕ ಶಾಲಾ&ಕಾಲೇಜುಗಳ ಹೆಣ್ಣು ಮಕ್ಕಳಿಗೆ ಉಚಿತವಾಗಿ ತಲುಪಬೇಕಾದ

ಲಾಂತರ ರೂಪಾಯಿ ಮೌಲ್ಯದ ಸ್ಯಾನಿಟರಿ ಪ್ಯಾಡ್​ಗಳು ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದರೂ, ತಾಲೂಕು ವೈದ್ಯಾಧಿಕಾರಿ ವಿಜಯ್​ ಕುಮಾರ್​ ಗಮನಹರಿಸಿಲ್ಲ. ಸ್ಯಾನಿಟರಿ ಪ್ಯಾಡ್​ಗಳು ಮತ್ತು ವೈದ್ಯಕಿಯ ವಸ್ತುಗಳು ಸರ್ಕಾರಿ ಆಸ್ಪತ್ರೆ ವಠಾರದಲ್ಲಿ ಬಿದ್ದಿದ್ದರೂ ಅವುಗಳ ಉಪಯೋಗ ಮಾಡಿಕೊಳ್ಳಲು ರ್ನಿಲಕ್ಷ$್ಯ ತೋರಿದ್ದು, ಸರ್ಕಾರದ ಯೋಜನೆ ಮೂಲೆ ಸೇರಿದಂತಾಗಿದೆ.

ಎರಡು ವರ್ಷದಿಂದ ಕರೊನಾ ಕಾರಣಕ್ಕೆ ಸ್ಯಾನಿಟರಿ ಪ್ಯಾಡ್​ ವಿತರಿಸಲಾಗಿಲ್ಲ ಎಂದು ಹೇಳುವ ಅಧಿಕಾರಿಗಳು, ಅವುಗಳ ವಿಲೇವಾರಿಗೆ ಏನು ಮಾಡಬೇಕೋ ಆ ವ್ಯವಸ್ಥೆ ಮಾಡಿ ಕೈ ತೊಳೆದುಕೊಳ್ಳಲು ತೀರ್ಮಾನಿಸಿದ್ದಾರೆ.

ಆಸ್ಪತ್ರೆ ಆವರಣದಲ್ಲಿರುವ ಗೋದಾಮಿಗೆ ಯಾವ ಭದ್ರತೆಯೂ ಇಲ್ಲ. ಹೀಗಾಗಿ ಮಳೆ ನೀರೆಲ್ಲ ಒಳಗೆ ನಿಂತಿದ್ದು, ಪ್ಯಾಡ್​ಗಳು ಒದ್ದೆಯಾಗಿ ಕೊಳೆಯಲಾರಂಭಿಸಿವೆ. ಆದರೂ ಇಲ್ಲಿಯವರೆಗೂ ಇತ್ತಕಡೆ ಗಮನಹರಿಸದ ಸರ್ಕಾರಿ ಆಸ್ಪತ್ರೆ ವೈದ್ಯಾಧಿಕಾರಿ ಇಷ್ಟಕ್ಕೂ ಗೋದಾಮಿನಲ್ಲಿ ಏನಿದೆ, ಏನಿಲ್ಲ ಎಂಬುದರ ಅರಿವೇ ಇಲ್ಲದಂತಿದ್ದಾರೆ.

ವೈದ್ಯರ ಕೊರತೆ: ಸರ್ಕಾರಿ ಆಸ್ಪತ್ರೆಯಲ್ಲಿ ವೈದ್ಯರ ಕೊರತೆಯಿದ್ದು, ತಾಲೂಕಿನಲ್ಲಿ ಇರುವುದು ಒಂದೇ ಸರ್ಕಾರಿ ಆಸ್ಪತ್ರೆ. ಇಲ್ಲಿ ಕೇವಲ ಬೆರಳೆಣಿಕೆಯಷ್ಟು ವೈದ್ಯರಿದ್ದು, ಹೆಚ್ಚಿನ ವೈದ್ಯರನ್ನು ನೇಮಕ ಮಾಡಿಕೊಳ್ಳುವಂತೆ ಆರೋಗ್ಯಾಧಿಕಾರಿ ಪುಷ್ಪಲತಾ ಮೇಲಧಿಕಾರಿಗಳಿಗೆ ಮನವಿ ಮಾಡಿದ್ದಾರೆಯಾದರೂ ಇದುವರೆಗೆ ಕ್ರಮ ಜರುಗಿಸಿಲ್ಲ ಎಂದು ತಿಳಿದುಬಂದಿದೆ.