ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ಕಾಫಿ ಬೆಳೆಗಾರರ ಸಂಘ ಅವಿರತವಾಗಿ ನಡೆಸಿದ ಹೋರಾಟ ಫಲವಾಗಿ ಸರ್ಕಾರ ಬೆಳಗಾವಿ ಅಧಿವೇಶನದಲ್ಲಿ ಮಲೆನಾಡು ಭಾಗದ ಕಾಫಿ ಬೆಳೆಗಾರರಿಗೆ ಕಂದಾಯ ಭೂಮಿಯನ್ನು 30 ವರ್ಷ ಭೋಗ್ಯಕ್ಕೆ ನೀಡಲು ನಿರ್ಧರಿಸಿ, ಗುತ್ತಿಗೆ ಪಡೆದ ಭೂಮಿಯನ್ನು ಯಾವ ಕಾರಣಕ್ಕೂ ಪರಬಾರೆ, ಅಡಮಾನ ಮಾಡುವಂತಿಲ್ಲವೆಂದು ಸಾಕಷ್ಟು ಷರುತ್ತುಗಳನ್ನು ಹಾಕಿದೆ. ಇದ್ದರಿಂದ ಸಣ್ಣ ಕಾಫಿ ಬೆಳೆಗಾರರಿಗೆ ಅನುಕೂಲವಾಗಲಿದೆ. ಇದಕ್ಕೆ ಸಹಕರಿಸಿದ ಮುಖ್ಯಮಂತ್ರಿ, ಕಂದಾಯ ಮಂತ್ರಿಗೆ ಅಭಿನಂಧನೆ ಸಲ್ಲಿಸುತ್ತೇವೆ. ಈ ಹಿಂದೆ ಕಂದಾಯ ಮಂತ್ರಿ ಆರ್.ಆಶೋಕ್ರವರು ಮಲೆನಾಡು ಭಾಗದ ಚಿಕ್ಕಮಗಳೂರು, ಹಾಸನ, ಕೊಡಗು ಜಿಲ್ಲೆಗಳಲ್ಲಿ ಪರಿಶೀಲನೆ ನಡೆಸಿ ಕಾಫಿ ಬೆಳೆಗಾರರ ಸಮಸ್ಯೆ ಆಲಿಸುವ ಮೂಲಕ ಮಹತ್ವದ ನಿರ್ಧಾರ ಕೈಗೊಂಡಿದ್ದಾರೆ. ಇದ್ದರಿಂದ ಕಾಫಿ ಬೆಳೆಗಾರರಿಗೆ ನಿಜಕ್ಕೂ ಅನುಕೂಲವಾಗಿದೆ. ಆದರೆ ಗುತ್ತಿಗೆ ಪಡೆಯುವ ಭೂಮಿ ಬೆಲೆ ತಿಳಿಸಿಲ್ಲ, ಅಲ್ಲದೆ 30 ಎಕ್ಕರೆ ನಿಗಧಿ ಮಾಡಿದ್ದು, ಇದರ ಬದಲಾಗಿ 50 ಎಕರೆಗೆ ಏರಿಕೆ ಮಾಡಬೇಕು ಎಂದರು.
