ಗ್ರಾಮದ ಮೋಹನ್ ಎಂಬುವರ ಹಸು ಪ್ರಸವದ ವೇಳೆ ಗರ್ಭಕೋಶ ತೆರೆಯದೆ ಚಿಂತಾಜನ ಸ್ಥಿತಿಯಲ್ಲಿ ನರಳಾಡುತ್ತಿತ್ತು. ಗರ್ಭ ಧರಿಸಿದ ಹಸು ಒಂಬತ್ತು ತಿಂಗಳು ಒಂಬತ್ತು ದಿನಕ್ಕೆ ಕರುವಿಗೆ ಜನ್ಮ ನೀಡುವುದು ಸಾಮಾನ್ಯ. ಮೋಹನ್ ಅವರ ಹಸುವಿಗೆ ಒಂಬತ್ತು ತಿಂಗಳು ಹದಿನೈದು ದಿನ ಕಳೆದರೂ ಕರುವಿಗೆ ಜನ್ಮ ನೀಡಿರಲಿಲ್ಲ. ಪೂರ್ಣ ಪ್ರಮಾಣದಲ್ಲಿ ಗರ್ಭಕೋಶ ತೆರೆದುಕೊಳ್ಳದೆ ಶುಕ್ತವಾರ ಕರುವಿಗೆ ಜನ್ಮ ನೀಡಲು ಸಾಧ್ಯವಾಗದೆ ನರಳಾಡುತ್ತಿತ್ತು. ಒಂದು ದಿನ ಮುಂಚಿತವಾಗಿ ಮೇವು ತಿನ್ನವುದನ್ನು ನಿಲ್ಲಿಸಿತ್ತು. ಶುಕ್ರವಾರ ಸಂಜೆ ಅಬ್ಬೂರು ಮಾಚಗೌಡನಹಳ್ಳಿ ಪಶು ಆಸ್ಪತ್ರೆ ವೈದ್ಯರಾದ ಡಾ. ಚೇತನ್ ಅವರು ಹಸುವಿಗೆ ಸೂಕ್ತ ಔ?ಧಿ ನೀಡಿ ಶಸ್ತ್ರಚಿಕಿತ್ಸೆ ನಡೆಸಿ ಕರು ಹೊರತೆಗೆದು ತಾಯಿ ಹಸು ಮತ್ತು ಕರುವಿನ ಪ್ರಾಣ ಉಳಿಸುವಲ್ಲಿ ಸಫಲರಾದರು.
