ಡಾ. ಅರುಂಧತಿ ಕುಲಕರ್ಣಿ ಅವರು ಮಾತನಾಡಿ, ೨೦೨೫ ಕ್ಷಯಮುಕ್ತ ಭಾರತ, ಕ್ಷಯಮುಕ್ತ ಕರ್ನಾಟಕ, ಕ್ಷಯಮುಕ್ತ ಗದಗ ಜಿಲ್ಲೆಯನ್ನಾಗಿ ಮಾಡಬೇಕಾಗಿದೆ. ಇದಕ್ಕೆ ಸಾರ್ವಜನಿಕರ ಸಹಕಾರ ಅಗತ್ಯವಾಗಿದೆ. ಜಿಲ್ಲೆಯ ೩೯ ಪ್ರಾಥಮಿಕ ಆರೋಗ್ಯ ಕೇಂದ್ರಗಳು, ೪ ತಾಲೂಕ ಆಸ್ಪತ್ರೆ ೨, ಸಮುದಾಯ ಕೇಂದ್ರ, ಒಂದು ಜಿಲ್ಲಾಸ್ಪತ್ರೆ, ೩ ಆರೋಗ್ಯ ಕೇಂದ್ರಗಳಲ್ಲಿ ಕ್ಷಯರೋಗಕ್ಕೆ ಉಚಿತವಾಗಿ ಚಿಕಿತ್ಸೆ ನೀಡಲಾಗುತ್ತಿದೆ. ಎರಡು ವಾರಕ್ಕಿಂತ ಹೆಚ್ಚು ಕೆಮ್ಮು, ಜ್ವರ, ಕಫದಲ್ಲಿ ರಕ್ತ, ರಾತ್ರಿ ಹೊತ್ತು ಬೆವರುವುದು ಕಂಡು ಬಂದರೆ ಇದು ಕ್ಷಯರೋಗದ ಲಕ್ಷಣಗಳಾಗಿವೆ. ೨೦೨೨ರ ಸಾಲಿನಲ್ಲಿ ೨೩,೩೯೪ ರೋಗಿಗಳನ್ನು ತಪಾಸಣೆ ಮಾಡಲಾಗಿದ್ದು, ಅದರಲ್ಲಿ ೧೫೧೬ ಖಚಿತ ರೋಗಿಗಳನ್ನು ಪತ್ತೆ ಮಾಡಲಾಗಿದೆ. ಇದರಲ್ಲಿ ೭೩ ಮಕ್ಕಳಲ್ಲಿ ಬಾಲ ಕ್ಷಯರೋಗಿಗಳು ಕಂಡು ಬಂದಿದ್ದಾರೆ. ಈ ಬಗ್ಗೆ ಆಸ್ಪತ್ರೆಗಳಲ್ಲಿ ಉಚಿತವಾಗಿ ಚಿಕಿತ್ಸೆ, ತಪಾಸಣೆ, ಆಪ್ತಸಮಾಲೋಚನೆ ಮಾಡಲಾಗುತ್ತಿದ್ದು ರೋಗಿಗಳು ಆರು ತಿಂಗಳವರೆಗೆ ಸರಿಯಾಗಿ ಚಿಕಿತ್ಸೆ ಪಡೆಯಬೇಕು. ಒಬ್ಬ ಕ್ಷಯರೋಗಿ ಒಂದು ವರ್ಷದಲ್ಲಿ ೧೦ ರಿಂದ ೧೫ ಆರೋಗ್ಯವಂತರಿಗೆ ರೋಗವನ್ನು ಹರಡಬಹುದು. ಪ್ರತಿ ತಿಂಗಳ ಮೂರನೆ ಶನಿವಾರ ಕ್ಷಯರೋಗಿಗಳಿಗೆ ವಿಶೇಷ ತಪಾಸಣೆ ಮಾಡಲಾಗುವುದು. ನಿಕ್ಷಯ ಮಿತ್ರರಾಗಿ ಎಂಬ ಯೋಜನೆಯಲ್ಲಿ ರೋಗಿಗಳಿಗೆ ದಾನಿಗಳಿಂದ ಪೌಷ್ಟಿಕಾಂಷವುಳ್ಳು ಆಹಾರದ ಕಿಟ್ನ್ನು ನೀಡಲಾಗುತ್ತಿದೆ ಎಂದು ಹೇಳಿದರು.
