ನಗರಸಭೆ ವ್ಯಾಪ್ತಿಯಲ್ಲಿ 20&40 ವ್ಯಾಟ್ ಟ್ಯುಬ್ಲೈಟ್, 70 ವ್ಯಾಟ್ ಸಾಮರ್ಥ್ಯ ಎಚ್ಪಿ ಎಸ್ವಿಎಲ್ ಲೈಟ್ಸ್ , ಹೈ ಮಾಸ್ಕ್, 250 ವ್ಯಾಟ್ ಸಾಮರ್ಥ್ಯದ ಲೈಟ್ಗಳು ಹಾಗೂ ಸೋಡಿಯಂ ವಿದ್ಯುತ್ ದೀಪಗಳು ಸೇರಿ 11954 ಬೀದಿ ದೀಪಗಳನ್ನು ಅಳವಡಿಸಲಾಗಿದೆ. ಆದರೆ, ಶೇ. 50 ರಷ್ಟು ಬೀದಿ ದೀಪಗಳು ಉರಿಯುತ್ತಿಲ್ಲ ಎಂಬುದು ಸತ್ಯ. 2022&23 ವಾಷಿರ್ಕ ಅವಧಿಯಲ್ಲಿ ಗುತ್ತಿಗೆಯ ಮೂಲ ಬೆಲೆ 99.89 ಲಕ್ಷಕ್ಕೇ ನಗರದ ಸಂಗಮೇಶ್ವರ ಎಂಟರ್ಪೆಸಸ್ ಅವರಿಗೆ ಬೀದಿ ದೀಪಗಳ ಕಾರ್ಯ ನಿರ್ವಹಣೆಗೆ ಗುತ್ತಿಗೆ ನೀಡಲಾಗಿದೆ. ಪ್ರತಿ ತಿಂಗಳು 7.74 ಲಕ್ಷ ಬಿಲ್ ಪಾವತಿಯೂ ಆಗುತ್ತಿದೆ. ಆದರೆ, ನಗರದ ಹಲವು ಮುಖ್ಯ ರಸ್ತೆಗಳಲ್ಲೇ ಹಲವಡೆ ಬೀದಿ ದೀಪಗಳೇ ಇಲ್ಲ. ಕಳೆದ ಹಲವು ತಿಂಗಳಿಂದ ಗದಗ & ಬಾದಾಮಿ ರಸ್ತೆ, ಹೊಸ ಬಸ್ ನಿಲ್ದಾಣದ ಪ್ರಮುಖ ರಸ್ತೆಗಳಲ್ಲಿ ಬೀದಿ ದೀಪಗಳೇ ದುರಸ್ತಿ ಹಂತಕ್ಕೆ ತಲುಪಿದ್ದವು. ಈ ಮೊದಲು ನಕಲಿ ಠರಾವು ಪ್ರಕರಣ ಬೆಳಕಿಗೆ ಬಂದು ಬಿದಿ ದೀಪಗಳಲ್ಲೂ ಭ್ರಷ್ಟಾಚಾರ ನಡೆದ ಬಗ್ಗೆ ಮಾಜಿ ನಗರಸಭೆ ಸದಸ್ಯರು ಆರೋಪಿಸುತ್ತಿದ್ದಂತೆ ಕೆಲವೇ ದಿನಗಳಲ್ಲಿ ಮುಖ್ಯ ರಸ್ತೆಯ ಬೀದಿ ದೀಪಗಳ ದುರಸ್ತಿ ಕಾರ್ಯವನ್ನು ನಗರಸಭೆ ಕೈಗೊಂಡಿದ್ದರಿಂದ ಈ ಬೆಳವಣಿಗೆ ಅನುಮಾನ ಮೂಡುವಂತೆ ಮಾಡಿತ್ತು. ಅದಲ್ಲದೇ ಎಪಿಎಂಸಿ ಭಾಗದಲ್ಲಿ, ಬೆಟಗೇರಿಯ ಮುಖ್ಯ ರಸ್ತೆಯಲ್ಲಿ ದೀಪಗಳು ಒಡೆದು ಹಾಳಾಗಿವೆ. ಗದಗ ಹೊರವಲಯದ ಬಡಾವಣೆಗಳಲ್ಲಿ ಬೀದಿಗೆ ಒಂದೇ ಬೀದಿ ಊರಿಯುತ್ತಿರುವ ದರಶ್ಯಗಳು ಪ್ರತಿನಿತ್ಯ ಕಾಣುತ್ತಿದ್ದು, ಗುತ್ತಿಗೆದಾರನ ನಿರ್ವಹಣೆಯ ಕಾರ್ಯವಾದರೂ ಏನು ಎನ್ನುವ ಪ್ರಶ್ನೆ ಎಲ್ಲರನ್ನು ಕಾಡತೋಡಗಿದೆ. ಗದಗ ನಗರಸಭೆಯ ವ್ಯಾಪ್ತಿಗೆ ಬರುವ 35 ವಾರ್ಡ್ಗಳ 700 ಕ್ಕೂ ಹೆಚ್ಚು ಬಡಾವಣೆಗಳಲ್ಲಿ ಇಂತಹ ದೀಪಗಳು ದುರಸ್ತಿ ಹಂತ ತಲುಪಿ ಉರಿಯದೇ ಇದ್ದರೂ ಪ್ರತಿ ತಿಂಗಳು 7.74 ಲಕ್ಷ ಬಿಲ್ ಮಾತ್ರ ಪಾವತಿ ಆಗುತ್ತಿರುವುದು ಅನುಮಾನಕ್ಕೆ ಎಡೆಮಾಡಿಕೊಟ್ಟಿದೆ.
