ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಲಾಕ್ಡೌನ್ನಿಂದ ಕೆಲಸವಿಲ್ಲದೇ ಮನೆಯಲ್ಲಿ ಸಂಕಷ್ಟ ಅನುಭವಿಸುತ್ತಿರುವ ಜನರು, ಬಡವರು, ನಿರ್ಗತಿಕರಿಗೆ ಆಹಾರ ನೀಡುವ ಸಂಕಲ್ಪದೊಂದಿಗೆ ಜೋಳಿಗೆ ಹಾಕಿಕೊಂಡು ಭಿಕ್ಷಾಟನೆ ಆರಂಭಿಸಲಾಯಿತು. ಗದಗ-ಬೆಟಗೇರಿ ಸೇರಿ ಹಳ್ಳಿಗಳಲ್ಲೂ ಜನರಿಂದ ವ್ಯಾಪಕ ಬೆಂಬಲ, ಸಹಕಾರ ಸಿಕ್ಕಿತು. ರೈತರು ಜೋಳ, ಕಡಲೆ, ಉಳ್ಳಾಗಡ್ಡಿ ಮತ್ತಿತರ ದವಸ-ಧಾನ್ಯಗಳನ್ನು ದಾನ ಮಾಡಿದರು. ಸೊರಟೂರಲ್ಲಿ ಮೊದಲ ದಿನವೇ ಹತ್ತಾರು ಚೀಲ ಜೋಳ ಸಂಗ್ರಹವಾಯಿತು. ದಿನಗಳೆದಂತೆ ನೂರಾರು ದಾನಿಗಳು, ರೈತರು, ವ್ಯಾಪಾರಸ್ಥರು, ಸಣ್ಣ ಸಣ್ಣ ವ್ಯಾಪಾರಸ್ಥರೂ ಕೈಜೋಡಿಸಿದ್ದರಿಂದ 15 ಸಾವಿರ ಕುಟುಂಬಗಳಿಗೆ ಆಹಾರ, ದಿನಬಳಕೆ ವಸ್ತುಗಳ ಕಿಟ್ಗಳನ್ನು ನೀಡಲು ಸಾಧ್ಯವಾಯಿತು. ಗದಗ ಬೆಟಗೇರಿಯ ಎಲ್ಲ 35 ವಾರ್ಡ್ಗಳ ಅರ್ಹ ಬಡವರಿಗೆ ಕಿಟ್ಗಳನ್ನು ವಿತರಿಸಲಾಗಿದೆ. ಅಲ್ಲಲ್ಲಿ ಉಳಿದಿರುವ ಕೆಲವರಿಗೆ ಸೋಮವಾರ ವಿತರಿಸಲಾಗುತ್ತದೆ. ಮಂಗಳವಾರ ಸಂಜೆ ಕಿಟ್ ವಿತರಿಸುವ ಕಾರ್ಯಕ್ಕೆ ವಿರಾಮ ನೀಡಲಾಗುವುದು. ಒಂದು ತಿಂಗಳಿಂದ ಮಾಡಿದ ಜನರ ಸೇವೆ ಸಂತೃಪ್ತಿ ತಂದಿದೆ. ಜಿಲ್ಲೆಯಲ್ಲಿ ಐದು ಕರೊನಾ ಪ್ರಕರಣಗಳ ಪೈಕಿ ಒಬ್ಬರು ಮೃತಪಟ್ಟಿದ್ದು, ಉಳಿದ ನಾಲ್ವರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದು ಸಂತಸ ತಂದಿದೆ. ಕರೊನಾ ಮುಕ್ತ ಜಿಲ್ಲೆ ಮಾಡಲು ಶ್ರಮಿಸಿದ ಜಿಲ್ಲಾಡಳಿತ, ಜಿಲ್ಲಾ ಉಸ್ತುವಾರಿ ಸಚಿವರ ಕಾರ್ಯ ಶ್ಲಾಘನೀಯ ಎಂದರು.
