ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಶ್ರೀಗಳು, ಜಿಲ್ಲೆಯ 70 ಗ್ರಾಮಗಳಿಗೆ ತೆರಳಿ ಕಪ್ಪತಗುಡ್ಡ, ಔಷಧೀಯ ಸಸ್ಯಗಳ ಬಗ್ಗೆ ಜಾಗೃತಿ ಮೂಡಿಸಲಾಗಿದೆ. ಪರಿಸರದ ವರ್ಧನೆ,ಸಂವರ್ಧನೆ, ಜಲ ರಕ್ಷಣೆ-ಸಂರಕ್ಷಣೆ, ಔಷಧೀಯ ಸಸ್ಯಗಳ ಪಾಲನೆ, ಪೋಷಣೆ, ಗೋ ಹಾಗೂ ನಂದಿ ಆಧಾರಿತ ಕೃಷಿ, ಪಾರಂಪರಿಕ ಕೃಷಿ, ನೈಸರ್ಗಿಕ ಕೃಷಿ, ಸಾವಯವ ಕೃಷಿ, ಮರ ಆಧಾರಿತ ಕೃಷಿಯೆಡೆಗೆ ರೈತರನ್ನು ಹಾಗೂ ಯುವಕರನ್ನು ಆಕರ್ಷಿಸುವುದೇ ಕಪ್ಪತ್ತಗುಡ್ಡ ಉತ್ಸವದ ಮೂಲ ಗುರಿಯಾಗಿದೆ. ಮಣ್ಣಿನ ಫಲವತ್ತತೆ ಹೆಚ್ಚಿಸುವ, ಜಲ ಸಂರಕ್ಷಣೆ ಮತ್ತು ಭೂಸಾರ ಸಂರಕ್ಷಣೆ ದೇಶಿ ಬೀಜಗಳನ್ನು ಉಪಯೋಗಿಸಲು ಪ್ರೇರೇಪಿಸುವುದರೊಂದಿಗೆ ರಾಸಾಯನಿಕ ಮುಕ್ತ ಹಾಗೂ ಸ್ವಾವಲಂಬಿ ಸುಸ್ಥಿರ ಕೃಷಿಯೆಡೆಗೆ ಸಾಮೂಹಿಕ ಯತ್ನದೊಂದಿಗೆ ರೈತರಿಂದಲೇ ಉದ್ಭವಗೊಳ್ಳುತ್ತಿರುವ ಅಭಿಯಾನ ಇದಾಗಿದೆಯೆಂದು ಶ್ರೀಗಳು ಹೇಳಿದರು.
