ಗದಗ: ವಿಧಾನಸಭೆ ಚುನಾವಣೆಗೆ ಇನ್ನೇರೆಡು ತಿಂಗಳು ಬಾಕಿ ಇರುವಂತೆಯೇ ಜಿಲ್ಲಾಡಳಿತದ ಕಾರ್ಯವೈಖರಿ ಸಂರ್ಪೂಣ ಚುನಾವಣೆ ಮೂಡ್ಗೆ ಹೊರಳಿದಂತೆ ಕಾಣುತ್ತಿದೆ. ಸ್ಪಧಿರ್ಗಳ, ಪಕ್ಷಗಳ ತಯಾರಿಯಂತೆಯೇ ಜಿಲ್ಲಾಡಳಿತವೂ ಕೂಡ ಚುನಾವಣೆ ತಯಾರಿ ನಡೆಸಿದೆ. ಮತಪಟ್ಟಿ ಸಿದ್ದಪಡಿಸುವುದರಿಂದ ಮತಗಟ್ಟೆ ದುರಸ್ತಿ, ಮೇಲ್ವಿಚಾರಣೆ, ಇವಿಎಂ ಪ್ರಾತ್ಯಕ್ಷತೆ, ಶಾಂತಿ ಸಭೆ, ರಾಜಕೀಯ ಪಕ್ಷಗಳ ಸಮ್ಮುಖದಲ್ಲಿ ಮತಪಟ್ಟಿ ಪರಿಷ್ಕರಣೆ ಲೋಪದೋಷಗಳ ಕುರಿತು ಪಕ್ಷಗಳ ಅಹವಾಲು, ಮತದಾನ ಚೀಟಿಗೆ ಆಧಾರ ಜೋಡಣೆ ಕಾರ್ಯ ಹೀಗೆ ಚುನಾವಣೆಗೆ ಸಂಬಂಧಿಸಿದಂತಹ ಚಟುವಟಿಕೆಗಳಲ್ಲಿ ಜಿಲ್ಲಾಡಳಿತ ಸಂರ್ಪೂಣ ತೋಡಗಿಸಿಕೊಂಡಿದೆ.
ಚುನಾವಣೆ ಲಿತಾಂಶ ಹೊರಬೀಳುತ್ತಿದ್ದಂತೆ ಇವಿಎಂ ದೋಷಗಳನ್ನು ಹುಡುಕುವ ರಾಜಕೀಯ ಪಕ್ಷಗಳ ನಡೆಯಿಂದ ಚುನಾವಣಾ ಆಯೋಗ ಬೇಸತ್ತು ಹೋಗುತ್ತದೆ. ಹಾಗೂ ಮತದಾರರಿಗೂ ಮತದಾನ ಮಾಡುವ ವೇಳೆ ಗೊಂದಲಗಳು ಏರ್ಪಡುವ ಸನ್ನಿವೇಶಗಳು ಉದ್ಭವಿಸುವುದು ಸಾಮಾನ್ಯ. ಇಂತಹ ಆರೋಪ ಅನುಮಾನಗಳನ್ನು ದೂರು ಮಾಡುವ ಉದ್ದೇಶದಿಂದ ಈ ಬಾರಿ ಇವಿಎಂ ಪ್ರಾತ್ಯಕ್ಷತೆಗೆ ಜಿಲ್ಲಾಡಳಿತ ಅತೀ ಪ್ರಾಮುಖ್ಯತೆ ನೀಡಿರುವುದು ವಿಶೇಷ. ಸರ್ಕಾರಿ ಕಾರ್ಯಕ್ರಮಗಳಲ್ಲಿ, ಗ್ರಾಮೀಣ ಪ್ರದೇಶಗಳಲ್ಲಿ ಇವಿಎಂ ಪ್ರಾತ್ಯಕ್ಷತೆ ನಡೆಸುವ ಮೂಲಕ ಜಿಲ್ಲಾಡಳಿತ ಜಾಗೃತಿ ಮೂಡಿಸುತ್ತಿದೆ.
ಎಲೆಕ್ಟ್ರಾನಿಕ್ ಮತಪಟ್ಟಿಯಲ್ಲಿ ಮತದಾನ ಮಾಡುವ ಬಗೆ ಕುರಿತು ಜ.27ರಿಂದಲೇ ಜಿಲ್ಲಾದ್ಯಂತ ಪ್ರಾತ್ಯಕ್ಷತೆ ಕಾರ್ಯಕ್ರಮ ಜಾರಿಗೊಳಿಸಿದ್ದು ವಿಶೇಷ. ಆಯಾ ತಾಲೂಕು ತಹಸೀಲ್ದಾರ ನೇತೃತ್ವದಲ್ಲಿ ಗ್ರಾಮಗಳಲ್ಲಿ, ಪ್ರತಿನಿತ್ಯ ಒಂದೊಂದು ಕಾಲೇಜಿನಲ್ಲಿ, ಜಿಲ್ಲಾಡಳಿತ ಕಚೇರಿಯಲ್ಲಿ ಇವಿಎಂ ಪ್ರಾತ್ಯಕ್ಷತೆ ಕಾರ್ಯಕ್ರಮ ಜರುಗಿಸಲಾಗುತ್ತಿದೆ. ಜಿಲ್ಲಾಡಳಿತ ಭವನದಲ್ಲಿ ಪ್ರಾತ್ಯಕ್ಷತೆಗೆ ಪ್ರತ್ಯೇಖ ಕೌಂಟರ್ ತೆರೆಯಲಾಗಿದ್ದು ಕಚೇರಿಗೆ ಬರುವ ಸಾರ್ವಜನಿಕರಿಗೆ ಈ ಬಗ್ಗೆ ಮಾಹಿತಿ ನೀಡಲಾಗುತ್ತಿದೆ.
