ಬೋರಗಾಂವ ವರದಿ: ಇಲ್ಲಿನ ಪಪಂ ಕಾರ್ಯಾಲಯದಲ್ಲಿ ರಾಜ್ಯೋತ್ಸವದ ಹಿನ್ನೆಲೆಯಲ್ಲಿ ಭುವನೇಶ್ವರಿ ದೇವಿ ಭಾವಚಿತ್ರಕ್ಕೆ ಪಿಕೆಪಿಎಸ್ ಅಧ್ಯಕ್ಷ ಉತ್ತಮ ಪಾಟೀಲ ಪೂಜೆ ಸಲ್ಲಿಸಿದರು. ಅರಿಹಂತ ಸಂಸ್ಥೆ, ಪಿಕೆಪಿಎಸ್, ಅರಿಹಂತ ಡೈರಿ, ಜವಳಿ ಗಿರಣಿ, ಸರ್ಕಾರಿ ಶಾಲೆ, ಸರ್ಕಾರಿ ಆಸ್ಪತ್ರೆ, ಸಂಘ ಸಂಸ್ಥೆಗಳಲ್ಲಿ ರಾಜ್ಯೋತ್ಸವ ಆಚರಿಸಲಾಯಿತು. ಪಿ.ಎ.ಕಲ್ಯಾಣಶೆಟ್ಟಿ, ಅಭಯಕುಮಾರ ಮಗದುಮ್ಮ, ಮಾಣಿಕ ಕುಂಬಾರ, ತುಳಸಿದಾಸ ವಸವಾಡೆ, ರೋಹಿತ ಪಾಟೀಲ, ದಿಗಂಬರ ಕಾಂಬಳೆ, ಪಿಂಟು ಕಾಂಬಳೆ ಇತರರಿದ್ದರು.
ತೆಲಸಂಗ ವರದಿ: ಇಲ್ಲಿನ ಜ್ಞಾನ ಭಾರತಿ ಶಾಲೆಯಲ್ಲಿ ಮಂಗಳವಾರ ಕರ್ನಾಟಕ ರಾಜ್ಯೋತ್ಸವ ಆಚರಿಸಲಾಯಿತು. ಜ್ಞಾನ ಭಾರತಿ ವಿದ್ಯಾ ಸಂಸ್ಥೆಯ ಅಧ್ಯಕ್ಷ ಈಶ್ವರ ಉಂಡೋಡಿ, ಗ್ರಾಪಂ ಅಧ್ಯಕ್ಷ ವಿಲಾಸ ಮೋರೆ, ಡಾ. ಬಿ.ಎಸ್.ಕಾಮನ್, ಸಿದ್ದಲಿಂಗ ಮಾದರ, ಲತಾ ಶೆಲ್ಲೆಪ್ಪಗೋಳ, ಮುಖ್ಯ ಶಿಕ್ಷಕ ಗಫೂರ್ ಮುಲ್ಲಾ, ರವಿ ನಿಡೋಣಿ ಇತರರಿದ್ದರು. ಗ್ರಾಮದ ಬಿ.ವಿ ಸಂಘದ ಶಿಕ್ಷಣ ಸಂಸ್ಥೆಯಲ್ಲಿ ಪ್ರಾಚಾರ್ಯ ಡಿ.ಎಂ.ಘೋರ್ಪಡೆ ಭುವನೇಶ್ವರಿ ತಾಯಿಗೆ ಪೂಜೆ ಸಲ್ಲಿಸಿದರು.
