ಅಭಿವೃದ್ಧಿಗೆ ಮೂಲಸೂತ್ರ ಸಂವಿಧಾನ: ಅರಟಾಳ: ಭಾರತದ ಪ್ರಜೆಗಳಾದ ನಾವು ದೇಶವನ್ನು ಸಾರ್ವಭೌಮ, ಸಮಾಜವಾದಿ, ಜಾತ್ಯತೀತ ಪ್ರಜಾಸತ್ತಾತ್ಮಕ ಗಣರಾಜ್ಯವನ್ನಾಗಿಸೋಣ ಎಂದು ಪಿಡಿಒ ಎ.ಜಿ.ಎಡಕೆ ಹೇಳಿದರು. ಇಲ್ಲಿನ ಗ್ರಾಪಂನಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ಸಂವಿಧಾನ ದಿನ ಆಚರಣೆ ಕಾರ್ಯಕ್ರಮದಲ್ಲಿ ಡಾ. ಅಂಬೇಡ್ಕರ್ ಅವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಮಾತನಾಡಿ, ಸಂವಿಧಾನ ಎಂಬುದು ರಾಷ್ಟ್ರದ ಮೂಲ ದಾಖಲೆ ಮಾತ್ರವಲ್ಲ. ಅದೊಂದು ರಾಷ್ಟ್ರೀಯ ಅಭಿವೃದ್ಧಿ, ಸಮಗ್ರತೆ ಹಾಗೂ ಸಾಮೂಹಿಕ ಚಿಂತನೆಯ ಮೂಲ ಸೂತ್ರ ಎಂದರು. ಮುಖಂಡರಾದ ಕರೆಪ್ಪ ಹಿರೇಕುರುಬರ, ಮಾಳಪ್ಪ ಕಾಂಬಳೆ, ಗ್ರಾಪಂ ಕಾರ್ಯದರ್ಶಿ ಆನಂದ ಗಿರಿಜಾಗೋಳ, ಗ್ರಾಪಂ ಸದಸ್ಯ ರಾಮಪ್ಪ ಪೂಜಾರಿ, ಹನುಮಂತ ಹಟ್ಟಿ, ಯಶೋಧರ ಕಾಂಬಳೆ, ಪಾಂಡುರಂಗ ಪೂಜಾರಿ, ಹನುಮಂತ ಗಿರಗಾಂವಿ, ಈಶ್ವರ ಬಡಿಗೇರ, ಶಾಂತಾ ಕಟ್ಟಿಮನಿ, ಮುತ್ತವ್ವ ಪೂಜಾರಿ, ದ್ರಾಕ್ಷಾಯಣಿ ಕಾಂಬಳೆ, ಕವಿತಾ ಕಾಂಬಳೆ, ಮಹಾದೇವ ಮಾದರ ಇದ್ದರು.
