ನಮ್ಮ ಸಂಸ್ಥೆಯಲ್ಲಿ ಅನ್ನ, ಅಕ್ಷರ, ಆಶ್ರಯ ಪಡೆದಿರುವ ದಿವ್ಯಾಂಜಲಿ ಝೀ ಕನ್ನಡ ನಡೆಸಿ ಕೊಡುವ ಪ್ರತಿಷ್ಠತ ಮಹಾನಟಿ ಸ್ಪರ್ಧೆಗೆ ಆಯ್ಕೆ ಆಗಿರುವುದು ಹೆಮ್ಮೆ ತರಿಸಿದೆ. ಮೊದಲಿನಿಂದಲೂ ದಿವ್ಯಾಂಜಲಿಗೆ ನಾಟಕ, ಕಲೆಯಲ್ಲಿ ಆಸಕ್ತಿ ಹೊಂದಿದ್ದಳು. ಆರನೆಯ ತರಗತಿಯಲ್ಲಿ ಓದುತ್ತಿರುವಾಗಲೇ ಭಗತಸಿಂಗ್ ಪಾತ್ರ ನಿರ್ವಹಿಸಿ ಆ ಪಾತ್ರಕ್ಕೆ ಜೀವ ತುಂಬಿದ್ದಳು. ಅಂದೆ ಅವಳಲ್ಲಿನ ಪ್ರತಿಭೆ ಗುರತಿಸಿದೆ. ಪಿಯುಸಿ ಪೂರ್ಣಗೊಳ್ಳುತ್ತಲೇ ನಾಟಕ, ಕಲೆ ತರಬೇತಿಗಾಗಿ ಸಾಣೇಹಳ್ಳಿಯ ಶ್ರೀ ಶಿವಕುಮಾರ ಕಲಾ ಸಂಘ ನಡೆಸುವ ಶಿವಕುಮಾರ ರಂಗಪ್ರಯೋಗ ಶಾಲೆಯ ರಂಗ ಡಿಪ್ಲೊಮಾ ಕೋರ್ಸ್ಗೆ ಸೇರಿಸಲಾಯಿತು. ಅಲ್ಲಿ ಎರಡು ವರ್ಷ ಉತ್ತಮ ತರಬೇತಿ ಪಡೆದು ಮಹಾನಟಿ ಸ್ಪರ್ಧೆಗೆ ಆಯ್ಕೆಯಾಗಿ ತನ್ನ ಅಭಿಯನದ ಮೂಲಕ ರಾಜ್ಯದ ಗಮನ ಸೆಳೆದಿದ್ದಾಳೆ. ಮುಂದೆಯೂ ಎಲ್ಲ ಹಂತದ ಸುತ್ತುಗಳಲ್ಲಿ ಉತ್ತಮ ಪ್ರದರ್ಶನ ತೋರಿ ವಿಜಯಶಾಲಿ ಆಗಲಿ ಎಂದು ಹಾರೈಸಿದರು.
