ಗಜೇಂದ್ರಗಡ ಗುಡ್ಡದಲ್ಲಿ ಅಮೃತಾಂಜನ ಗಡ್ಡೆ ಪತ್ತೆ

ಗಜೇಂದ್ರಗಡ: ಅಪರೂಪವಾಗಿರುವ ಸೆರೋಪೆಜಿಯಾ ಪ್ರಭೇದಕ್ಕೆ ಸೇರಿದ ಸುರುಳಿಯಾಕಾರದ ಸಸ್ಯವೊಂದು ಗಜೇಂದ್ರಗಡ ಗುಡ್ಡದ ಹುಲ್ಲುಗಾವಲಿನಲ್ಲಿ ಕಂಡುಬಂದಿದೆ. ಅಪೋಸೈನೆಸಿ ಕುಟುಂಬಕ್ಕೆ ಸೇರಿದ ಸ್ಪೈರಲ್ ಸೆರೋಪೆಜಿಯಾ ಎಂಬ ಅಪರೂಪದ ಸಸ್ಯ ಇದು. ಕನ್ನಡದಲ್ಲಿ ಅಮೃತಾಂಜನ ಗಡ್ಡೆ ಎಂದು ಕರೆಯುತ್ತಾರೆ. ತಿಳಿ ಹಸಿರು ಮತ್ತು ತಿಳಿ ಗುಲಾಬಿ ಮಿಶ್ರಿತ ವರ್ಣದಿಂದ ಕೂಡಿದ್ದು, ಕೊಳವೆ ಆಕಾರದ ರಚನೆ ಹೊಂದಿರುವ ಹೂವಿನ ದಳಗಳು ನೀಳವಾಗಿ ಬೆಳೆದು ತುದಿಯಲ್ಲಿ ಸುರುಳಿಗಟ್ಟುತ್ತದೆ. ಆದ್ದರಿಂದ ಇದಕ್ಕೆ ಸುರುಳಿ ಸೆರೋಪೆಜಿಯಾ ಎನ್ನುತ್ತಾರೆ.

ವಿಶ್ವದಲ್ಲಿ 244 ವಿವಿಧ ಸೆರೋಪೆಜಿಯಾ ಪ್ರಭೇದಗಳನ್ನು ಗುರುತಿಸಲಾಗಿದೆ. ಭಾರತದಲ್ಲಿ ಈ ಪ್ರಭೇದದ 52 ಜಾತಿಯ ಸಸ್ಯ ಸಂಕುಲವಿದ್ದು, ಬಹುಪಾಲು ಸೆರೋಪೆಜಿಯಾ ಪ್ರಭೇದಗಳು ದಕ್ಷಿಣ ಆಫ್ರಿಕಾ, ಕೀನ್ಯಾ, ಮಡಗಾಸ್ಕರ್ ಮತ್ತು ಭಾರತದ ಕಾಡುಗಳಲ್ಲಿ ಕಂಡುಬರುತ್ತದೆ.

==========