ಮಕ್ಕಳು ಮತ್ತು ಶಿಕ್ಷಕರ ನಡುವೆ ನಿರಂತರ ಸೇತುಬಂಧ ಮತ್ತು ಕಲಿಕಾ ವಾತಾವರಣ ಸೃಷ್ಟಿಸುವ ಈ ಸಾಪ್ತಾಹಿಕ ಶೈಕ್ಷಣಿಕ ಕಾರ್ಯಕ್ರಮದಲ್ಲಿ ಮೊದಲ ದಿನದಿಂದ ಕಥೆ ಕೇಳೋಣ-ಕಥೆ ಹೇಳೋಣ, ಸ್ವಾತಂತ್ರ್ಯ ಹೋರಾಟಗಾರರ ಜೀವನ-ಸಂದೇಶ, ಚಿತ್ರ ಬರೆಯೋಣ ಬಣ್ಣ ತುಂಬೋಣ, ಹಾಡು ಹೇಳೋಣ ಒಗಟು ಬಿಡಿಸೋಣ, ನಮ್ಮೂರು-ನಮ್ಮ ಜನ, ಪತ್ರ ಬರೆಯೋಣ ಉತ್ತರ ತಿಳಿಯೋಣ ಈ ರೀತಿಯ ಕಲ್ಪನೆಯೊಂದಿಗೆ ಬರಹ, ಓದು ಇತರೆ ಚಟುವಟಿಕೆಗಳ ಮೂಲಕ ಶೈಕ್ಷಣಿಕ ಸಪ್ತಾಹ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಈ ವೇಳೆ ಪರಸ್ಪರ ಅಂತರ, ಮಾಸ್ಕ್ ಧರಿಸುವುದು ಮತ್ತು ಮನೆಯಲ್ಲಿ ಕರೊನಾ ಮುಂಜಾಗ್ರತೆ ಕ್ರಮಗಳ ಬಗ್ಗೆ ತಿಳಿಸಲಾಗುತ್ತಿದೆ. ಶಿಕ್ಷಕರೂ ಸ್ವಯಂಆಸಕ್ತಿಯಿಂದ ಈ ಕಾರ್ಯದಲ್ಲಿ ತೊಡಗಿಸಿಕೊಂಡಿರುವುದು ಮತ್ತು ಪಾಲಕರು, ಮಕ್ಕಳು ಆಸಕ್ತಿ ತೋರುತ್ತಿರುವುದು ಸಂತಸ ತಂದಿದೆ ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿ ಆರ್.ಎಸ್. ಬುರಡಿ ತಿಳಿಸಿದರು.
